Sý basqan saıajaı turǵyndaryna páter berildi

Qaratóbe aýdanynyń Qorjyn aýlynda «Aqjaı̆yq» qory esebinen 2,8 mlrd teńgege 90 tıptik úı salynýda. Úılerdi tamyz aıynda tapsyrý josparlanyp otyr.

Syrym aýdanynyń eki aýlynda qurylys qarqyndy júrip jatyr. О́leńti aýlynda «Qazaqstan halqyna» qory esebinen 1,1 mlrd teńgege 36 tıptik úı salynýda. Jumys mamyr aıynda bastalǵan, jaz sońyna aıaqtalady dep kútilýde. Sondaı-aq qor Jympıty aýlyn­da 1,3 mlrd teńgege 42 úıdiń quryly­syn qarjylandyrady.

Ári qaraı vıse-premer Terek­ti aýdany Podstepnoe aýlyndaǵy mer­digerlerdiń jumysyn tekserdi. Munda 2,9 mlrd teńgege 105 úıdi «Qazaq Stroy» JShS demeýshi kompanııasy salyp jatyr. Qanat Bozymbaev merdigerlerge qu­ry­lysty belgilengen merzimnen keshiktirmeý mańyzdy ekenin atap ótti. Olar tamyz aıynyń sońy­na deıin úılerdi tapsyramyz dep sendirdi.

Vıse-premer turǵyn úı qoryn qalpyna keltirý qarqynyn arttyrý úshin Batys Qazaqstan oblysyna MSQB mamandary men elimizdiń basqa óńirlerinen baǵalaý kompanııalary kelgenin habarlady. Sondaı-aq ońtústik oblystardan jumys kúshi men tehnıka tartylady. Oblysta kerekti qurylys materıaldar jetkilikti mólsherde.

Oral mańyndaǵy Derkól ken­tinde 103 tıptik úı paıdalanýǵa beriledi. Qanat Bozymbaev qurylys alańynda bolyp, júrgizilip jatqan jumystardyń sapasyn tekserdi. Turǵyn úıler 2,5 mlrd teńge soma­syna «Aqjaı̆yq» qory esebinen salynýda.

Oraldyń saıajaı turǵyndaryna qala ortalyǵynan páterler berile bastady. Vıse-premer «Azımýt» jańa turǵyn úı kesheninde baspana kiltin tapsyrý rásimine qatysty. Búginde 15 otbasy páter ıegeri atandy, onyń 7-eýi kópbalaly otbasy.

«Meniń tórt balam men segiz nemerem bar. 2010 jyldan bastap osy saıajaıda turdyq. Kóktemde sý tasqyny boldy. Biraq memleket bizdi tastamady. Bizdi qoldady jáne baspana berdi. Árıne, saıajaıdy qala ortalyǵyndaǵy jańa pátermen salystyrýǵa kelmeıdi. Munda men eki balammen jáne nemerelerim­men birge turamyn. Prezıdent eshkim­di qıyndyqqa qaldyrmaıty­nyn aıtqan kezde, bizge úmit syılady. Biz kúttik. Kómektesken bız­nes­menderge kóp rahmet, shette qal­maǵan qazaqstandyqtardyń bar­lyǵyna rahmet», dedi Oral turǵyny Murat Másilov.

Oblys ákimi Narıman Tóre­ǵalıevtiń aıtýynsha, atalǵan turǵyn úı keshenindegi 71 páter sý tasqyny kezinde jalǵyz baspanasynan aıyrylǵan saıajaı turǵyndaryna berilmek. Páterler «AstanaMotors» JShS demeýshiniń esebinen jalpy somasy 1,5 mlrd teńgege satyp alynýda.

Batys Qazaqstan oblysynda barlyǵy 1,8 myńǵa jýyq jumysshy tartyldy jáne 300-den astam tehnıka jumyldyryldy.