Foto: baq.kz
Atap aıtqanda, turǵyndardy «Shemonaıha-О́skemen» tasjolyn jóndeý máselesi, Úbi ózeni arqyly ótetin avtomobıl kópirin jóndeý, ınternet baılanysynyń sapasy basqa da máseleler tolǵandyryp otyr.
– Qalamyz shaǵyn, munda shamamen 20 myń adam turady. Biraq biz de kez kelgen basqa qala sııaqty sapaly medısınalyq qyzmetke muqtajbyz. Aýdandyq aýrýhananyń ǵımaraty 1968 jyly salynǵan. Kúrdeli jóndeý jumysy 10 jyl buryn júrgizilgen. Ishine kirýge qorqasyń. Qazir dárigerlerge kóterme járdemaqy tólenetini belgili, sondyqtan bizde de bilikti dárigerler sany artady dep úmittenemiz, – dedi jergilikti turǵyn Valentın Alıfanov.
Depýtat Erlan Saırov Densaýlyq saqtaý máseleleri boıynsha zańnamalyq túzetýlerge sáıkes aýylǵa kelgen medısına qyzmetkerleri 100 ETJ mólsherinde birjolǵy tólem alatynyn atap ótti (bul 2024 jylǵy esepteý boıynsha 8,5 mln teńge).
– Memleket basshysy Qasym-Jomart Toqaev aýyldyq aýmaqtardy jáne shekaralyq aýdandardy damytýǵa erekshe nazar aýdarady. Basty maqsat – halyqtyń kóshýin azaıtý, adamdardyń ómir súrýine qolaıly jaǵdaı jasaý, shekaralyq aýdandardyń ekonomıkalyq damýyna jańa serpin berý. Bul – partııanyń saılaýaldy baǵdarlamasynyń mańyzdy baǵyty. Kóterilgen barlyq máseleni erekshe baqylaýǵa alamyz. Bıyl Shemonaıha men О́skemen arasyndaǵy sapaly joldyń qurylysyna tender ótkiziledi, – dedi Erlan Saırov.
Sonymen qatar depýtattar Shemonaıha qalasyndaǵy mektep qurylysynyń barysymen tanysty. Oqý orny 300 orynǵa eseptelgen, ony osy jyldyń sońyna deıin paıdalanýǵa berý josparlanyp otyr.
– Sapaly bilim elimizdiń ár balasyna, ol úlken qalada nemese aýylda tursa da qoljetimdi bolýǵa tıis. Aımaqtyq teńsizdikter birtindep joıylyp keledi. Sondyqtan depýtattar «Jaıly mektep» jobasynyń júzege asyrylýyn baqylaıdy, – deıdi Májilis depýtaty Ulyqbek Tumashınov.
Depýtattar Qazaqstan – Reseı shekarasyndaǵy baqylaý-ótkizý pýnktiniń jumysymen de tanysty.
