Medısına qyzmetkerleriniń ótinishi

Depýtattar S.As­fen­dııarov atyndaǵy Qazaq ult­­tyq me­dısına ýnıversıte­ti­niń qura­my­na kiretin Aqsaı balalar orta­lyǵyna bardy. Bul – 70 jyl­dyq tarıhy bar eń baıyrǵy kóp­sa­laly balalar emdeý-dıagnos­tıka­lyq mekemeleriniń biri.

Keıingi jyldary klınıkanyń tehnıkalyq bazasy keıbir medı­sınalyq jabdyqtar ishinara jańartyldy, mamandar shetelde biliktiligin arttyrdy.

Alaıda sheshimin tappaı turǵan ózekti másele – keńes zamanynan qalǵan eski ǵımarat.

– Bul jerde joǵary bilikti ma­mandar jumys isteıdi. Biz bul emhanany jóndeýge qarjy bólý týraly máseleni kóteremiz, – dedi «Res­publica» fraksııasynyń mú­shesi, Májilis depýtaty Nurgúl Taý.

Al depýtattardyń qalalyq kar­­dıologııa ortalyǵyna at ba­syn bu­rýyna ondaǵy medısı­na­lyq qyz­met­kerlerdi jumystan shyǵa­rýǵa baılanysty ujym­dyq ótinish sebep boldy. Orta­lyq­tyń bas dırektory Roza Qýa­nysh­bekovanyń aıtýynsha, meke­me­niń qomaqty debıtorlyq bereshegi bolǵan. Alaıda qazir jaǵdaı ózgerip, tabys tabý múmkindigine ıe boldy.

Qazaqstan Halyqtyq partııasynan saılanǵan Májilis depýtaty Gaýhar Tanasheva atap ótkendeı, saılaýshylar ótinishi nazardan tys qalmaıdy jáne qyzmetkerler zańsyz jumystan shyǵarylǵan jaǵdaıda mindetti túrde tıisti sharalar qabyldanady.