Kórshi elge gýmanıtarlyq kómek jóneltti

Anasymen birge Qyr­ǵyz­stanǵa týystaryna barǵan 19,16, 11, 8 jastaǵy eki qyz, eki ul bala tasqyn sý saldarynan qaza boldy. Kórshi el­diń Ap­shyr-Ata aýylynan demalys aımaǵyndaǵy sýqoı­maǵa tynyǵýǵa bara jat­qan jolda tasqynǵa tap bo­lyp qazaǵa ushyraǵan marqum­dardyń denesi elge Tótenshe jaǵ­daılar mınıstr­liginiń ushaǵy­men jetkizilip, mar­qum­dardy jerleý rásimi ótti.

Qyrǵyzstannyń Tótenshe jaǵdaılar mınıstrligi, taý­ly óńirde jaýyn áli de tolastamaıtynyn, sel júrý qaýpi joǵary ekenin eskertip, jergilikti turǵyndar men týrısterge qaýipsizdik erejesin qatań ustanýǵa úndedi.

Qyrǵyzstannyń Osh oblysynda 28 maýsymda besin aýa bastalǵan jańbyrdan onnan astam adam mert boldy. Osy eldiń Tótenshe jaǵdaılar mınıstrligi Naýqat aýdanynda tótenshe jaǵdaı rejimi jarııalanyp, Abshyr-Saı demalys aımaǵynan 1300-den asa adamnyń qaýipsiz aımaqqa kóshirilgenin, Kezart jaılaýynda qalǵan 10 adamdy da qaýipsiz orynǵa kóshirý jumysy júzege asyrylǵanyn habarlady.

Elimizdiń Syrtqy ister mınıstrligi Qyrǵyzstannyń Syrtqy ister mınıstrligimen tyǵyz baılanys ornatyp, jaǵdaıdy jiti qadaǵalap otyr. Elimizden attanǵan qut­qarý­shylar, medısına qyz­metkerleri, psıholog­ter de kórshi el azamattaryna kómek kórsetip jatyr. Osh oblysyndaǵy tótenshe jaǵdaıǵa tap bolǵan halyqqa Qazaq­stannan alǵash­qy gýmanıtarlyq kómek te jetkizildi.