Doda kórigi qyzyp keledi

2021 jyly ótken Eýropa 2021 jyly ótken Eýropa  chem­pıonatynyń fınalynda Anglııa quramasynan basym túsip, qurlyq chempıony atan­ǵan Italııa fýtbolshylary shırek fınalǵa jete almady. Shveı­sarııa quramasy Remo Froı­lerdiń 37-mınýtta, Rýben Var­gastyń 46-mınýtta soqqan go­lynyń nátıjesinde áıgili qura­many yǵystyrdy. Reımonyń soqqan golyn Shveısarııa ulttyq quramasynyń bas bapkeri Murat Iаkın joǵary baǵalady. Ortalyq jartylaı qorǵaýshy qyzmetine qosa shabýyl shebine de orasan úlesin qosqanyna razylyǵyn aıtty. 

Matchtan keıin tebirenisin ja­ıyp salǵan Rýben Vargas alańǵa negizgi quramda shyǵatynyn es­tigende erekshe qýanǵanyn jet­k­izdi. «Biz toptyq kezeńde-aq Eý­ropa qurlyǵynyń tegeýrindi quramasynyń qaı-qaısysyna da tótep bere alatynymyzdy kórsettik. 1-taımnyń sońyn ala Gra­nıt Djaka maǵan taǵy bir gol soǵý kerek ekenin aıtty. 2-taımda onyń tapsyrmasyn oryndadym», dedi Vargas. Jartylaı qor­ǵaýshy Fabıan Rıder Shveı­sarııa quramasyndaǵy ujym­dyq rýhtyń kúsh alǵanyn maq­tanyshpen atap ótti. «Match ke­zinde bir oıynshy jańylyssa, qalǵanymyz onyń qateligin jabyla túzep, bárimiz birimiz úshin barymyzdy salatyn qurama eke­nimizdi dáleldedik», dedi F.Rı­der. 

Germanııa quramasy  Kaı Haverstiń 53-mınýtta pe­nal­tıden soqqan golyn 68-mı­nýt­ta Jamal Mýsıala ese­le­genniń nátıjesinde Danııa fýtbolshylaryn qurlyq alamanynan yǵystyrdy. 

8/1 fınaldyq kezeńde  An­glııa quramasy Slo­vakııa fýtbolshylaryn táji­rıbeniń mol­dyǵymen eńserdi. Áıtpese Ivan Shranstyń 26-mınýtta soq­qan golynyń ná­­tıjesinde 90 mınýt boıy Slo­­vakııa qura­masy basym tur­dy. Tóreshi qos­qan qo­sym­sha 5 mınýttyń ishin­de jer­­diń astyn ústine shy­ǵar­ǵan­daı ózgeris jasaǵan Djýd Bel­lıngem tarazy basyn te­ńes­tirip berdi. Ekstra taımda diń­kelegen qarsylastarynyń osal tusyn ońaı taýyp, Harrı Keın (91-mınýtta) jeńis golyn soǵyp, Anglııa quramasyn shı­rek fınalǵa jetkizdi. 2016 jyly Eýropa chempıonatynyń pleı-off kezeńinde Germanııa quramasyna 3:0 esebimen jol bergen Slovakııa quramasy arada ótken segiz jyldyń ishinde tepkisi myqty, ekpini kúshti quramaǵa aınalǵanyn áıgilep, aǵylshyn fýtbolshylaryn shar­shatty. Eger qosymsha ústelgen 5 mınýttyń ishinde qorǵa­nys­ty setinetpeı, 0:1 basym­dyǵyn aqyryna deıin ustap tur­ǵan­da kesheli beri Bra­tıslavada baqyttan basy aı­nalǵan halyq kóshede teńseler edi. Sebebi bu­ǵan deıin bul qu­rama Eýropa chempıonatynyń shırek fınalyna jetken emes. Irikteý kezeń­deriniń ózinde ala-qula nátı­jemen súreńsiz oınap, tek 2016 jyldan beri qurlyq do­da­synyń fınaldyq kezeńine qosylyp júr. Italııalyq maman Franchesko Kalsona qolda turǵan jeńistiń sýsyp ketkeni janyna batqanyn jasyrmady. «Osyndaı quramany baptaıtynymdy maqtanysh sanaımyn. Biz álemniń tegeýrindi ujymynan 90 mınýt boıy basym boldyq. Biraq aıylymyzdy tym erte bo­satqan ekenbiz, tájirıbeli Djýd Bellıngem urymtal tus­ta gol soqty. Ekstra taımda ji­­­git­terdiń sharshaǵany aıqyn baı­­qaldy. Buǵan deıin Eýropa chempıonatynyń fınaldyq keze­ńinde ekstra taımǵa deıin jetip, kúshimizdi synap kórmegenimiz baıqaldy. Dese de bul jeńilis bizdiń jigitterdiń keleshekte shar­­bolattaı shyńdala túsýine orasan tájirıbe mektebi boldy», dedi Franchesko Kalsona. 

Germanııa eli uıymdastyrǵan Eýropa chempıo­natynyń pleı-off kezeńine ótip, dúnıeniń dıdaryn ózine qaratqan Grý­zııa quramasy mańdaıy tasqa so­ǵyl­ǵandaı kúıge tústi. Mektep oqýshysy Lamın Iаmal (16 jas­ta) syndy noıandary bar Is­panııa quramasy qarsylasty 4:1 esebimen kúırete jeńdi. 18-mı­nýtta Roben Le Norman óz qaq­pasyna avtogol soqqanda ba­sym­­dyqqa ıe bolǵan grýzın fýt­­­bolshylarynyń ekinshi tynysy ashylyp sala bergen. Tipti 1-taımda azýly Ispanııa qu­ra­masynyń shabýylyn meılinshe toıtaryp tastap otyrdy. Biraq jastyq maksımalızm basym, fı­zıkalyq kúsh-qýaty qaı­nap turǵan jastar qurlyq ala­­manyna alǵash qosylǵan Grý­zııanyń qorǵanysyn tas-tal­qan etti. 39-mınýtta Rodrı, Fabıan Rýıs 51-mınýtta, Nıko Ýılıams 75-mınýtta, Danı Ol­mo 83-mınýtta enshisine gol jaz­­dy. Grýzııa quramasynyń jan­­­kúıerleri Kelndegi «Reın Energı» stadıonynan fýtbolshylaryn qol soǵyp qurmettep, shyǵaryp saldy. Shabýylshylar Hvıcha Kvarashelııa, Jorj Mı­kaýtadze, qaqpashy Georgıı Ma­mardashvılıge saýyn aıtyp sport­­tyq agentter aǵylatyny sózsiz. Úsheýi de Eýropa chem­pıo­­natynda jaı otyndaı jar­qyldady.