Foto: Atyraý oblysy ákimdigi
«О́ńirimizde 1000-nan asa joǵary birikken jáne shetel kásiporny qurylyp, jumys istep jatyr. Mashına jasaý salasynda 150 iri, orta jáne shaǵyn bıznes nysany bar. Aımaqtaǵy munaı-hımııa ónimderin óńdeý baǵytyndaǵy iri jobalarmen qatar mashına jasaý isiniń de osyndaı aýqymǵa ıe bola bastaǵany qýantarlyq jaǵdaı. Biz óz tarapymyzdan óndiriske jan-jaqty qoldaý kórsetetinimizdi atap ótkim keledi», dedi M.Mýrzıev.
Kompanııada munaı men gazdy tasymaldaýǵa arnalǵan vagondar men sısternalar shyǵaryp, jóndeý jáne tehnıkalyq qyzmet kórsetýge arnalǵan barlyq ınfraqurylymdy qamtıtyn vagon jasaý klasterin damytady. Jalpy qurylys jumystaryna nemis stanoktary men elimizde óndiriletin materıaldar qoldanylady. Keıin óndiristik ónimder Eýropa jáne Baltyq elderine eksporttalady.
Kompanııalar tobynyń basshysy Shota Abhazov aldaǵy 10 jylda elimizdiń júk vagondary parki 54 myń birlikke qysqaratynyn atap ótti.
«Biz Ortalyq Azııada júk bazasynyń ósý áleýetin eskere otyryp, shyǵatyn vagondardy jańa ónimmen óteýge jáne sonyń saldarynan qosymsha vagondar parkine qajettilik úshin durys jumys isteýimiz kerek. Osylaısha, bizde otandyq óndiristi damytýǵa jaqsy múmkindik bar», dedi Sh.Abhazov.
О́ndiris alańy - 17 000 sharshy metr. Aldaǵy ýaqytta atalǵan aýmaq 62 000 sharshy metrge deıin ulǵaıtylmaq.
Qazirgi ýaqytta óndiris ornynda 70-ten astam maman jumys istep jatyr. Jyl sońyna deıin 180, al 2027 jylǵa qaraı 2 700 maman turaqty jumyspen qamtylmaq. Oǵan jergilikti turǵyndar da tartylady.
