Foto: nitec.kz
Jumys berýshi https://hr.enbek.kz portalynda óziniń jeke kabınetinde elektrondyq eńbek shartynyń jobasyn jasap, ony jumyskerge kelisýge joldaıdy. Jumyskerge shartqa qol qoıý usynysymen eGov Mobile mobıldi qoldanbasynda push-habarlama keledi. Jumysker óziniń jeke basyn qysqa parolmen, mobıldi qosymshadaǵy bıometrııalyq derektermen rastaıdy, Push-habarlama arqyly ótedi. Jumysker eńbek shartymen tanysady, eger sharttarmen kelisse, qysqa kodty engizip nemese bıometrııalyq derektermen tekserýden ótip, óziniń ESQ kómegimen qol qoıady. Júıe http://hr.enbek.kz portalyndaǵy jumys berýshiniń Jeke kabınetine habarlama jiberedi. Jumys berýshi elektrondyq eńbek shartyna qoljetimdi tásilderdiń birimen ESQ nemese QR arqyly qol qoıady. Júıe qol qoıylǵan elektrondyq eńbek shartyn Eńbek sharttaryn esepke alýdyń biryńǵaı júıesine (EShEBJ) tirkeýge avtomatty túrde jiberedi, sodan keıin shart jasalǵan bolyp esepteledi. Servıs iske qosylǵan sátten bastap qol qoıylǵan elektrondy eńbek sharttarynyń sany 775-ti qurady.
Eger paıdalanýshyda mobıldi qoldanba ornatylmaǵan bolsa, biraq MAB-ta (mobıldi azamattar bazasynda) tirkelgen bolsa, oǵan qoldanbany júkteýge siltememen, jańa habarlamanyń kelip túskeni týraly aqparaty bar 1414 nómirinen sms-habarlama jiberiletin bolady. Qoldanbaǵa eń alǵash kirgen kezde paıdalanýshyǵa jiberilgen barlyq habarlamalar shyǵyp turady.
Jiberilgen push-habarlamalardy mobıldi qoldanbada, habarlama sanatyna baılanysty «Habarlamalar» bóliminde kórýge bolady.
Qyzmettiń jańa fýnksıonaly Sıfrlyq damý, ınnovasııalar jáne aeroǵarysh ónerkásibi mınıstrligi Memlekettik qyzmetter komıteti jáne Eńbek jáne áleýmettik qorǵaý mınıstrligi men «Ulttyq aqparattyq tehnologııalar» AQ-nyń birlesken jumysynyń arqasynda iske qosyldy.
