Foto: inbusiness.kz
Suıytylǵan munaı gazynyń bólshek saýdadaǵy shekti baǵasy óńirge qaraı lıtrine 5-8 teńgege deıin qymbattady.
Astanada jáne Aqmola, Qostanaı, Qaraǵandy, Abaı, Jetisý, Shyǵys Qazaqstan jáne Ulytaý oblystarynda suıytylǵan gazdyń lıtri 76 teńgeden 84 teńgege ósti. Batys Qazaqstan, Qyzylorda, Túrkistan oblysy jáne Shymkentte — 64 teńgeden 79 teńgege, Aqtóbe, Atyraý, Mańǵystaý oblystarynda 54 teńgeden 59 teńgege qymbattady. Almaty qalasynda, Almaty jáne Soltústik Qazaqstan oblystarynda 81 teńgeden 89 teńgege ózgergen.
Jambyl oblysynda – lıtrine 78 teńge (71 teńge), Pavlodar oblysynda 81 teńge (74 teńge) boldy.
«Salystyrmaly túrde Reseıde bir lıtr gazdyń baǵasy - 132 teńge, Ázerbaıjanda — 171 teńge, Tájikstanda — 273 teńge. Sarapshylardyń boljamynsha, 2024 jyly ishki naryqta tutyný kólemi taǵy 200 myń tonnaǵa artyp, 2,4 mln tonnaǵa jetedi. Bul rette gaz tapshylyǵy 30-40%-dy quraýy múmkin», delingen mınıstrlik habarlamasynda.
Vedomostvo baǵa kóterilýiniń birneshe sebebin atady:
- suıytylǵan munaı gazynyń baǵasy ony óndirý qunynan áldeqaıda tómen;
- TMD aýmaǵynda tutyný kúrt ósken;
- TMD-da zaýyttar óndiriske degen qyzyǵýshylyǵyn joǵaltyp jatyr;
- Qazaqstanda TMD-daǵy eń tómen baǵalardyń biri tirkelgen.
