Inbusiness.kz jazǵandaı, "Balalarymyzǵa jaqsy qarap jatyr" dep senip júrgen ata-analar myna jaǵdaıdan keıin birden dabyl qaqty.
Balalarnyń balabaqshaǵa barýǵa qarsylyq tanytqanyn sezgen ata-analar atalǵan ortalyq basshynyń mindetin atqarýshysynan vıdeo kamerelardy tekserip kórýdi suraǵan. Búldirshinderge qol kótergen álgi tárbıeshiniń dóreki qylyǵy beınejazbada saqtalyp qalǵan.
Balalardyń ata-analarynyń aıtýynsha, vıdeoda muǵalimniń balalarǵa dóreki qarym-qatynas jasaǵany, bir qyzdy sebepsiz arqasynan ıterip jibergeni, bir balany jelkesinen ıterip, taǵy bir balanyń basynan oıynshyqpen urǵanyn kórýge bolady. Sonymen qatar, áıeldiń balalarǵa ursyp jatqany anyq baıqalady.
- 1 shildede Pavlodar qalasyndaǵy balabaqshanyń ortańǵy tobynyń ata-analary beınebaqylaý kameralaryn qaraýdy ótinip, basshynyń mindetin atqarýshyǵa júgindi. 2024 jylǵy 26-27 maýsymdaǵy kúndizgi jazbalardy qaraý kezinde muǵalimniń dóreki qarym-qatynas faktisi tirkeldi. Qazirgi ýaqytta muǵalim jumystan bosatyldy, – dedi Pavlodar qalalyq bilim bóliminiń basshysy Qýanysh Qydralın.
Sondaı-aq, bilim bólimi bul oqıǵa týraly ata-analardyń shaǵymynan keıin ǵana bilgenin qosty.
- Balabaqsha dırektory demalysta. Bilim bólimine der kezinde habar bermegeni úshin barlyq materıaldar quqyq qorǵaý organdaryna beriledi, – dedi Qydralın.
