Jumysshyǵa suranys joǵary

Bıyl 1-toqsanda ekonomıkanyń túrli salasynda 9,2 mln adam eńbek etse, onyń 7 mln-yn jalda­maly jumysshylar qurady (ju­mys­pen qamtylǵandardyń jalpy sa­ny­nyń 76,2%-y). 2,2 mln adam óz be­timen kiris kózin tapty (jumyspen qam­tylǵandardyń jalpy sanynyń 23,8%-y).

О́tken jyldyń sáıkes merzimimen qa­tar qoıǵanda elde jumyspen qam­tý 134,6 myń adamǵa, negizinen jaldamaly jumysshylar esebinen artqan. Jumyspen qamtylǵandardyń eń kóp úlesi saýda (16,8%), bilim berý (13,1%), ónerkásip (12,3%) jáne aýyl sharýashylyǵy (11,1%) salalarynda baıqaldy. Sonymen birge eńbek resýrstary naryǵynda negizinen kásibı daǵdyny ǵana qajet etetin orta jáne tómen bilikti qyzmetkerlerge suranys kóbeıdi. Bıylǵy sáýirde Enbek elektrondy bırjasynda basym bóligi osyndaı 90 myńnan astam usynys ornalastyrylǵan. Jumystyń bul baǵyty qyzmetkerdiń bilimi men eńbek ótiline arnaıy talap qoımaıtynymen erekshelenedi. Bul jas mamannyń nemese jańa salada ózin synap kórýdi uıǵarǵan adamnyń eńbek jolyn jeńildetip, kásipti qysqa merzimde ıgerýine jaǵdaı jasaıdy.

OLX habarlandyrýlar servısi men Enbek elektrondy bırjasynyń dereginshe, qazir ónerkásip, qurylys jáne TKSh salasynda jumys kúshine qajettilik turaqty túrde ósip ke­ledi. Eń tanymal óndiris pozısııasyna (523 usynys) dánekerleýshi, aǵash ustasy, qoımashy, óndiris me­nedjeri jáne kásiporyndaǵy jumys úderisiniń basqa da ókilderi aınalysatyn mamandyqtar kiredi. Naqty mamandyq pen jumys berýshige baılanysty jalaqy ortasha eseppen 255 000 teńge kóleminde. Qurylys alańdarynda jáne jóndeý brıgadalarynda kadrlarǵa turaqty qajettilikti ortasha jalaqysy 250 000 teńgeni usynatyn 580 bos jumys orny boıynsha atap ótýge bolady. О́nerkásiptik kásiporyndar men qurylys-jóndeý kompanııalarynda elektr-gazben dánekerleýshige joǵary suranys 562 bos jumys orny boıyn­sha baıqalady. Eńbekaqy tóleý deńgeıine áser jumys tájirıbesine, biliktiligine jáne dánekerleý túrine sáıkes ózgerip, ortasha eseppen 250 000 teńgeni quraıdy. Sondaı-aq ónerkásip kásiporyndarynyń jóndeý sheberhanalaryna qajet slesar úshin osyndaı eńbekaqymen 530 bos jumys orny bar.

Eshqashan eskirmeıtin júrgizýshi (taksı, júk tasymaldaý, logıstıka) mamandyǵy boıynsha jańa qyzmet­kerlerge 300 000 teńge ortasha jalaqymen OLX-te 505, Enbek-te 617 bos jumys orny usynylǵan. Sondaı-aq qyzmet kórsetý de – árdaıym qajet, kókjıegi keń sala. Satýshy, daıashy jáne ákimshi sııaqty mamandyqtardy qamtıtyn sektor 200 000 teńge medıandy jalaqy tóleýge ázir. Kez kelgen mekemeniń erejesi men tártibin retteıtin ákimshiler úshin ortasha 240 000 teńge jalaqymen 155 bos jumys orny bar. Al aspazdar 264 jańa jumys ornyn tolyqtyra alady (ortasha jalaqy – 260 000 teńge). Árıne, jumysshy jalaqysynyń deńgeıi ár óńir boıynsha, biliktilikke jáne jumys ereksheligine baılanysty aýytqıdy.

Ekonomıkanyń tepe-teńdigi men tıimdiligin saqtaı otyryp, «kógildir jaǵalylar» mańyzdy áleýmettik ról atqarady. Olardyń mindetine ta­ýar óndirý men jetkizý, tehnıkalyq qyz­met kórsetý men jóndeý sııaqty qol eńbegi men arnaıy daǵdylarǵa negiz­delgen ártúrli kúndelikti tapsyrmalar kiredi. Maman eńbeginiń óndiris úderisine jáne ártúrli salanyń jumy­syna aıtarlyqtaı áser etetinin eskersek, onyń qoǵam damýyndaǵy úlesin salmaqtaý qıyn emes.