«Smartlook» júıesi – byltyr qazan aıynda ýnıversıtet rektorynyń bastamasymen qolǵa alynǵan joba. Atalǵan joǵary oqý orynnyń ǵylymı qyzmetkeri, joba jetekshisi Shylmyrza Úsenniń aıtýynsha, endi synaqtan ótip jatqan jobany naryqqa shyǵarý kózdelip otyr. Jyl sońyna deıin ónim sapasyn arttyrýǵa baılanysty, tájirıbedegi qoldanysy, bezendirilýine qatysty jumystar iske asady. Qaýipsizdik turǵysynan utymdy júıeni mekemelerde, joǵary oqý oryndary, mektepter men balabaqshalarda tıimdi qoldanýǵa bolady. «Smartlook» júıesiniń marketıngtik sheshimder qabyldaýda, jumys sapasyn, qyzmetkerlerdiń belsendiligin arttyrýdaǵy yqpaly zor. Qazirgi kezde elimizge shetelden tasymaldanatyn tehnologııalardy ónertapqyshtar qurastyrǵan skýd-kartalar almastyratyn bolsa, onda onyń quny naryqta áldeqaıda qoljetimdi bolatyny anyq.
«Smartlook» júıesi – kafedranyń zerthanasynda júzege asyp jatqan kóptegen jobanyń biri. Zerthananyń kishi ǵylymı qyzmetkeri Aqjol Nurdanuly kóp fýnksıonaldy smart qulpy júıesiniń zerthanalyq prototıpi qazirgi kezde synaqtan ótip jatqandyǵyna toqtalyp, ony ázirleý barysynda tehnıkalyq qıyndyqtyń bolǵanyn atap ótti. Biraq soǵan qaramastan, jas ǵalymdar zamanaýı júıeniń prototıpin jasap shyǵardy. Bul tehnologııa qyzmetkerlerdiń jumysqa kelý jáne ketý ýaqytyn baqylaýǵa, ruqsat etilmegen aýmaqqa bógde adamdardyń kirýin shekteıdi. Qaýipsizdikti saqtaýda taptyrmaıtyn tehnologııanyń bul túrin ári qaraı jetildirip, kartany qoldaný barysynda «Face ID», «Touch ID», «QR» tásilderin de paıdalaný jaǵy oılastyrylyp otyr. Bolashaqta osy múmkindikter arqyly jas ǵalymdardyń noý-haýdyń tıimdiligin arttyra tússek degen jospary bar.
Jas ónertapqyshtar únemdi ári qaýipsiz ónim bolashaqta úlken suranysqa ıe bolatynyna senimdi. О́ıtkeni adam jumysyn jeńildetetin zamanaýı sheshimderdi óndiristiń qaı salasynda bolsyn qoldanǵan tıimdi. Jańa tehnologııalardyń tamyryn dóp basqan qyraǵy stýdentter «smartlook» júıesin arnaıy kilt retinde paıdalanýmen qatar tólem kartasy retinde de qoldanýǵa bolatynyn aıtady.
Almaty
