Memleket basshysy Qasym-Jomart Toqaevtyń tapsyrmasy boıynsha Úkimet sý tasqyny saldaryn joıý boıynsha keshendi jumys júrgizip jatyr. Qabyldanyp jatqan sharalardyń ishinde azamattardy jańa turǵyn úımen qamtamasyz etý, birjolǵy qarjylyq kómek kórsetý, úılerdi jóndeý men qalpyna keltirý shyǵyndaryn óteý, t. b. bar.
Zardap shekken bızneske keltirilgen zalaldy óteý jumysy bastaldy. Qazirgi tańda óńirlik komıssııalar shaǵyn jáne orta kásipkerlik sýbektileriniń jalpy somasy 1,5 mlrd teńgege 178 ótinimin qarap, maquldady.
Jalpy alǵanda, ákimdikterdiń aldyn ala baǵalaýy boıynsha 746 ShOB sýbektisi zardap shekti. Olardyń qatarynda azyq-túlik dúkeni, dámhana, TQKO, qonaqúı, basqalary bar. Búginde baǵalaý jáne smetalyq jumystar júrgizilýde, olardyń qorytyndysy boıynsha ótinimder óńirlik komıssııalardyń qaraýyna engiziledi.
Osylaısha, Úkimet rezervinen 12 mlrd teńgeden astam qarajat ShOB múlik shyǵyndaryn óteý úshin Aqmola, Aqtóbe, Atyraý, Batys Qazaqstan, Qostanaı, Soltústik Qazaqstan oblystarynyń bıýdjetine aýdarylady.
Sý tasqyny saldaryn joıý jónindegi jumys Úkimet basshylyǵynyń turaqty baqylaýyna alynǵan. Buǵan deıin tótenshe rezervten Batys Qazaqstan, Qostanaı oblystarynda áýedegi elektr berý jelilerin qalpyna keltirýge 2,4 mlrd teńgeden astam qarjy bólingen bolatyn.
