Foto: polet.me
Buǵan deıin «Air Astana» bortserikteri Prezıdentke ashyq hat joldap, áýe kompanııasynda resmı aıtylǵandaı 54 emes, shyn máninde 25 ushaq bar ekenin málimdegen bolatyn. Sondaı-aq shtattan tys qyzmetkerler men jalaqynyń azdyǵy týraly da aıtylǵan edi.
Marat Qarabaev 25 ushaq týraly aqparattyń shyndyqqa janaspaıtynyn málimdedi. Sonymen qatar onyń aıtýynsha, ashyq hatqa «Air Astana» áýe kompanııasynyń burynǵy qyzmetkerleri qol qoıǵan.
«Keltirilgen faktiler boıynsha qosymsha komıssııa qurylyp, tergeý amaldary júrgizilip jatyr. Biraq hatqa qol qoıǵandar burynǵy qyzmetkerler, ıaǵnı «Air Astana»-nyń qazirgi qyzmetkerleri emes ekenin aıtqym keledi», dedi Marat Qarabaev Úkimette ótken brıfıngte.
Sondaı-aq mınıstr «Air Astana» áýe kompanııasynyń 2 myńǵa jýyq bortserigi bar ekenin, olar úshin jaqsy jumys jaǵdaılary men motıvasııa júıesi jasalǵanyn aıta ketti.
