Ulttyq dombyra kúni qarsańynda Inder aýdanynyń ortalyǵy Inderbor kentinde erekshe is-shara ótti. Osyndaǵy ortalyq saıabaqqa dombyra monýmenti qoıyldy. Aýdan ákimi Daryn Shamuratovtyń aıtýynsha, altyn tústes metaldan quıylǵan monýmenttiń jalpy bıiktigi – 7,5 metr. Bir ereksheligi, dombyra monýmenti túngi mezgilde de jarqyrap turady.
«Dombyra – san ǵasyrdan beri ulttyń rýhyn bıiktetken, talaı urpaqtyń besigin terbep, erlik pen eldiktiń, adaldyq pen adamdyqtyń kúıin shertken ulttyq aspabymyz. Qazaqtyń dombyrasy arqyly ulttyq mádenıetimizdi qalyptastyrǵan aqyn-jyraýlar, kúıshi-dombyrashylar az emes. Dombyra monýmentin Atyraý topyraǵynan nár alyp, kúıshilik, sazgerlik dástúrdi jalǵastyrǵan Qazaq KSR-ine eńbek sińirgen mádenıet qyzmetkeri Abdolla Musaǵalıevtiń esimimen ataýdy jón kórdik», deıdi Daryn Shamuratov.
Ákimniń aıtýynsha, dombyra monýmentin ashý ıdeıasynyń astarynda eki maqsat bar. Birinshisi – jas urpaqqa ulttyq qundylyqty nasıhattaý. Al ekinshisi – kúıshilik ónerdi keıingi býynǵa jetkizgen Abdolla Musaǵalıev sekildi óner sańlaqtarynyń el jadynda saqtalýyna yqpal etý.
«Abdolla dombyrasy» monýmentine jergilikti ónerpazdar Ádil Esqalıev, Majan Esqazıev, Máýlet Qarasaev, Turǵanáli Úsenǵalıev, Qýanyshqalı Qaraqulov, Únzıra О́mirbaeva, Qanapııa Mahmetovanyń esimi de qashalyp jazylǵan. О́ıtkeni olardyń bári 1958 jyly Qazaqstan ádebıeti men óneriniń Máskeýdegi onkúndigine Inder aýdanynan qatysqan.
Dombyra monýmenti «ARSM» JShS-nyń negizin qalaǵan jergilikti kásipker J.Sháripovtiń demeýshiligimen ornatylǵan. Kásipker ıgilikti iske 6 mıllıon teńge qarajat bólipti.
Atyraý oblysy
