Foto: picture alliance / Contributor / picture alliance / Gettyimages.ru
Kezdesý Mıýnhende ótip, 2:1 esebimen aıaqtaldy. Ispandyqtar sapynan Lamın Iаmal (21-mınýtta) men Danıel Olmo (25-mınýtta) gol soqty. Dıde Desham bastaǵan komanda sapynda Randal Kolo-Mýanı (8-mınýtta) gol soqty.
Iаmal Eýropa chempıonattary tarıhyndaǵy eń jas gol soqqan fýtbolshy atandy. Ol 16 jas 362 kúnde gol soǵyp, shveısarııalyq Iohan Vonlantenniń (18 jas 141 kún) UEFA EURO 2004-tegi jetistiginen basyp ozdy. Sondaı-aq ıspandyq jas fýtbolshy ańyzǵa aınalǵan brazılııalyq Peleniń (17 jas 244 kún) rekordyn jańartyp, halyqaralyq týrnırdiń jartylaı fınalynda óner kórsetken eń jas oıynshy atandy.
Ispandyqtar EÝRO fınalynda besinshi ret oıyn alańyna shyǵady. Eldiń qorjynynda úsh altyn (1964, 2008, 2012) jáne bir kúmis (1984) bar.
Aıta keteıik, 10 shildede ótetin ekinshi jartylaı fınalda Nıderlandy men Anglııa quramalary kezdesedi.
Eýropa chempıonaty 14 shildede aıaqtalady. Fınaldyq kezdesý Berlınde ótedi.
