Foto: @sportqazaq, telegram
57 kg salmaqta beldesetin Azııa chempıonatynyń qola júldegeri Meırambek Qartbaı Parıj Olımpııa oıyndarynda beldesýge múmkindik aldy. Reseılik Zaýr Ýgýev Parıj Olımpıadasyna barýdan bas tartqandyqtan, oǵan tıesili joldama bizdiń balýanǵa buıyrdy. О́ıtkeni toǵyz aı buryn Serbııanyń Belgrad qalasynda ótken álem chempıonatynda Meırambek osy Ýgýevke ese jiberip, lısenzııadan qaǵylǵan edi. Aqtóbe oblysy Embi qalalyq balalar men jasóspirimder sport mektebiniń túlegi alǵash ret jazǵy Olımpıada dodasyna qosylady.
«Reseılik balýandardyń barý-barmaýy bulyńǵyr bolǵandyqtan da joldamadan úmitimdi úzbeı, jattyǵýdy jalǵastyrdym. Ulttyq qurama sapynda Daǵystanda ázirlik júrgizdik, 57 kg salmaqta Olımpıada medali úshin beldesýge shyǵatyn balýandardyń barlyǵy da syralǵy qarsylas, báriniń de kúresý ónerin, qaıratyn bilemin. Maǵan osyndaı múmkindik buıyrǵanda barymdy salyp kúresemin», dedi M.Qartbaı.
