Foto: Májilis
Naýryzbaı aýdanyndaǵy «Qalqaman» metro stansasy 2026 jyly paıdalanýǵa berilýi kerek. Qurylys barysynda sol jaq týnnelde 936 metr, oń jaq týnnelde 559 metr qazylǵan. Gazben jabdyqtaý, elektr júıesi, telekommýnıkasııalar men sý qubyrynyń syrtqy jelilerin kóshirý jumystary jospar boıynsha júrgizilip jatyr. Depýtattar jumysshylarmen sóılesip, qurylys jumystarynyń kestesimen tanysty.
«Qalqaman» stansasyna deıingi jeli qurylysy 2,5 jyldan beri júrip jatyr, al megapolıs keptelisten kóz ashpaı otyr. Jumys uzaqqa sozylyp barady, qurylys úshin jer ýchaskelerin, jeke úılerdi satyp alý qajet, al ıeleri satqysy kelmeıdi, ótemaqy somasyna kelispeıdi. Adamdar sottasyp, tipti, keı ister Joǵarǵy sotqa deıin jetken jaǵdaılar bar. Osy ýaqyt ishinde jobanyń qymbattaýy, qaıta baǵalaý, memlekettik saraptama qajet bolady», dedi depýtat Sergeı Ponomarev.
2030 jylǵa deıin «Barlyq» bazaryna deıin taǵy úsh stansa salý josparlanǵan, onda «Batys avtovokzalyn» qamtıtyn iri mýltımodaldy kóliktik-aýysymdyq torap qurylady.
Buǵan deıin Májilis depýtattary qaladaǵy JEO-2-ni jańǵyrtý jumystarymen tanysyp, gaz otynyna kóshý 2026 jyly aıaqtalýǵa tıis ekenin málimdegen edi. Sondaı-aq halyq qalaýlylary birqatar eńbek ujymymen kezdesip, azamattardy qabyldap, áleýmettik mańyzy bar nysandardy aralady.
