Foto:kursiv.media
2024 jyldyń birinshi toqsanynda árbir azamat azyq-túlik pen alkogolsiz sýsyndarǵa 131,3 myń teńge jumsaǵan. Bul bir jyl burynǵydan 6,7%-ǵa kóp ekeni belgili boldy.
«Salystyrý úshin: ótken jyldyń birinshi toqsanynda azyq-túlik pen sýsynǵa jumsalǵan qarajat jan basyna shaqqanda orta eseppen 123,1 myń teńgeni qurasa, jyldyq ósim aıtarlyqtaı 21,1%-ǵa jetti. Osydan bes jyl buryn, ıaǵnı 2019 jyldyń birinshi toqsanynda el azamattary azyq-túlik pen sýsyndarǵa jan basyna shaqqandaǵy ortasha eseppen nebári 72,3 myń teńge jumsaǵan – bul osy jylmen salystyrǵanda 44,9%-ǵa az», dep jazdy sarapshylar.
Anyqtalǵandaı, óńirler boıynsha azyq-túlik pen sýsyndarǵa eń kóp qarajatty Almaty qalasynyń turǵyndary: jan basyna shaqqanda 181,5 myń teńge, Shyǵys Qazaqstan (152,1 myń teńge) jáne Mańǵystaý (146,7 myń teńge) oblystary jumsaǵan.
Al eń az aqsha jaratqan úsh aımaqqa Qyzylorda (jan basyna shaqqanda 104,6 myń teńge), Aqtóbe (106,4 myń teńge) jáne Túrkistan (110,4 myń teńge) oblystary kirgen.
«Qazaqstan azamattarynyń azyq-túlik pen alkogolsiz sýsyndarǵa jumsaǵan barlyq shyǵyndarynyń úshten biri et ónimderine tıesili – jan basyna shaqqanda 43,3 myń teńge quraıdy. Bul bir jyl burynǵy kórsetkishten 6,4 paıyzǵa artyq. Úsh aıda el azamattary ortasha eseppen qant, kondıterlik ónimder men táttilerge 8,7 myń teńge, maılar men toń maılarǵa - 6,7 myń teńge, balyq pen teńiz ónimderine - 5,9 myń teńge, alkogolsiz sýsyndarǵa - 5,8 myń teńge, jumyrtqaǵa - 3,3 myń teńge jumsaǵan», dep naqtylady sarapshylar.
