Qaısysy myqty: tájirıbe me, jastyq pa?

Ispanııa ulttyq qura­masy­nyń bas bapkeri Lýıs De la Fýente bul birinshilikke negi­zi­nen túbit murty endi tebindep kele jatqan jastardy qos­ty. Áý bastan-aq Eýropa chem­pıo­natynyń fınaldyq dodasyna qosylǵan quramalardyń oıynshylaryn saralaǵan sáýegeı bitken Ispanııanyń jas fýtbolshylaryna asa senim bildire qoıǵan joq. Biraq toptyq ke­zeńdegi barlyq match­ty aıqyn utyp, pleı-offta qarsy túsken qura­malardy penaltı serııasyna jetkizbeı shiderlegen de – Ispanııa quramasy. bapkeri Lýıs De la Fýente bul birinshilikke negi­zi­nen túbit murty endi tebin­dep kele jatqan jastardy qos­ty. Áý bastan-aq Eýropa chem­pıo­natynyń fınaldyq dodasyna qosylǵan quramalardyń oıynshylaryn saralaǵan sáýegeı bitken Ispanııanyń jas fýtbolshylaryna asa senim bildire qoıǵan joq. Biraq toptyq ke­zeńdegi barlyq match­ty aıqyn utyp, pleı-offta qarsy túsken qura­malardy penaltı serııasyna jetkizbeı shiderlegen de – Ispanııa quramasy.

Bul Eýropa chempıonatynyń dodasynda Ispanııa fýtbol­shylarynyń ekpini úı jyǵardaı, qaıraty tas úgerdeı. Jartylaı fınaldyq tartysta Lýıs De la Fýenteniń shákirtteri Fransııa fýt­bolshylarynyń adymyn ashtyrmady. Matchtyń 9-mınýtynda gol soqqan Kolo Mýanıdiń nátıjesinen keıin de fransýzdar basymdyqty ustap tura almady. 16 jastaǵy Lamın Iаmal 21-mınýtta esepti teńestirip berse, Danıel Olmo 25-mınýtta jeńis golyn soqty. Iаmal Eýro­pa chempıonatynyń tarıhynda gol soqqan eń jas oıynshy atandy. Eki kúnnen keıin ol 17 jas­qa tolady. Bul eki qura­ma­nyń joly sońǵy ret 2021 jyly Ulttar lıgasynyń fınalynda túıisip, 2:1 esebimen fransýz fýtbolshylary basym túsken bolatyn.

Ispanııa quramasy D tobynda ótkizgen úsh oıynda da jeńiske jetip, 9 upaımen kósh bastady, 8/1 fınalda Grýzııa quramasyn iri eseppen eńserdi, shırek fınalda Germanııa fýtbolshylaryn ekstra taımda jeńdi. Jartylaı fınalda Fransııa quramasyn yǵystyrdy. 1984 jyly ótken Eýropa chempıonatynda Fransııa fýtbolshylary 14 gol soqqan edi. Bıylǵy qurlyq alamanynyń fınalyna shyqqanǵa deıingi kezeńde ıspan fýtbolshylary qarsylastardyń qaqpasyna 13 gol toǵytty. Demek Eýropa chempıonatynyń jylnamasyn jańartatyn kún de qashyq emes.

Eýropa chempıonatynyń fınalyna  Anglııa quramasy da shyqty. Jar­tylaı fınalda Nıderland fýtbolshylaryn 2:1 ese­bimen jeńdi. 78-mınýtta Sı­monstyń alystan tepken dobyn Anglııa quramasynyń qaqpa­shysy Pıkford qaı­tara alǵan joq. Aǵylshyn qura­ma­synyń kapıtany Harrı Keın 18-mınýtta tarazy basyn teńes­­tir­gen. Matchtyń tóreshisi 2-taım­ǵa qos­qan qosymsha ýaqytta (90+1) Ýotkıns jeńis golyn soq­ty.

2021 jyly Eýropa chempıo­natynyń fınaldyq tartysy Lon­donda ótip, Italııa qura­masy Anglııa fýtbolshylarynan penaltı serııasynda 3:2 nátıjesimen basym túsken edi. Qaqpashy Djordan Pıkford bas­tap, Kaıl Ýoker, Djon Stoýnz, Kıran Trıpper, Djýd Bel­lıngem, Harrı Keın syndy fýt­­­bolshylar Eýropa chempıo­natynyń fınaldyq dodasynda ekinshi ret oınaǵaly otyr.

Eýropa chempıonatynyń fı­naldyq matchy 14 shilde kúni Ger­manııanyń Berlın qala­syndaǵy Olımpıadalyq stadıonda ótedi.