Teńiz jaǵalaýyna jınalǵandar Qazaqstan men Ázerbaıjan áskerı kemeleriniń teńizdegi sapyn baqylaı aldy. Keme palýbalarynda ekıpajdardyń jeke quramy saltanatty sap túzedi.
Al amfıteatr alańynda jattyǵýǵa qatysýshy bes el Qarýly kúshteriniń ózge de bólimsheleri tapsyrmany oryndaýǵa saqadaı saı tur. Qazaqstan, Ázerbaıjan, Qyrǵyz Respýblıkasy, Tájikstan jáne О́zbekstannyń gımnderi kezekpen oryndalyp, memlekettik týlary kóterildi. Qorǵanys mınıstrligi taratqan resmı málimdemede kór- setilgendeı, oqý-jattyǵý elimizdiń Oımasha jotalary men Toqmaq mańyndaǵy teńiz aımaǵynda ótedi. Oqý-jattyǵýdyń ssenarııine sáıkes áskerı bólimshelerge aımaqta bolady dep boljanǵan qarýly qaqtyǵysty baqylaýǵa alý júkteledi.
4 000 áskerı qyzmetker men 700 qarý-jaraq pen áskerı tehnıka qoldanylatyn oqý-jattyǵýda qurlyq jáne áýe barlaý toptary, armııa jáne maıdandyq avıasııa bólimsheleri, teńiz kúshteriniń arnaıy jasaqtary, artıllerııa jáne tank bólimsheleri jattyǵý júrgizedi. Is-shara aıasynda áskerı sporttyq jarys, «Baǵdar» taktıkalyq barlaý jáne oq atý jarystaryn ótkizý josparlanǵan.
Qorǵanys mınıstrligi basshylyǵynyń atynan qatysýshylardy elimizdiń Qorǵanys mınıstriniń birinshi orynbasary, Qarýly kúshteri Bas shtabynyń bastyǵy, general-leıtenant Sultan Kamaletdınov quttyqtap, «Birlestik-2024» oqý-jattyǵýy jaýyngerlerdiń boıyndaǵy rýhty oıatyp, aıbyndaryn asqaqtatýdyń taǵy bir múmkindigi ekenin atap ótti. Sondaı-aq túbi bir týys halyqtar arasyndaǵy dostyqtyń jalaýyn jelbireterine senim bildirdi. Elderimiz arasyndaǵy bir-birine degen senimge negizdelgen tyǵyz ári dostyq qarym-qatynastarǵa osyndaı birlesken is-sharalardyń bereri mol ekenin aıta kelip:
– Ortalyq Azııa óńiriniń tórt eli men Ázerbaıjan Respýblıkasy qarýly kúshteriniń áskerı kontıngentterin tarta otyryp, mundaı oqý-jattyǵý ótkizý formaty alǵash ret qoldanylyp otyr. Bul memleketterimizdiń tatý kórshilik qatynastardy odan ári keńeıtýge jáne nyǵaıtýǵa, onyń ishinde qaýipsizdik pen turaqtylyqty qamtamasyz etý degen umtylysyn aıǵaqtaıdy, – dedi.
Sonymen birge general-leıtenant S.Kamaletdınov oqý-jattyǵý áskerlerdiń áskerı basqarý organdarynyń úılesimdilik deńgeıin arttyratynyn, zańsyz qarýly quralymdardy joıýǵa arnalǵan oqý-jaýyngerlik mindetterdi oryndaý kezinde qarýly kúresti júrgizý tásilderin synaqtan ótkizýge múmkindik beretinine toqtalyp:
– Sizderge oqý-jattyǵýda tabysqa jetý úshin barynsha tıimdi ózara is-qımyl tileımin. Osyndaı is-sharalarda qaýipsizdikti qamtamasyz etýdegi ortaq kúsh-jigerde paıdaly bolatyn qundy tájirıbe men bilim ala alasyzdar, – dep sózin túıindedi.
Oqý-jattyǵýǵa qatysýshy elder áskerı qyzmetshileriniń saltanatty sherýimen jáne Qazaqstannyń Qarýly kúshteri Ulttyq áskerı-patrıottyq ortalyǵynyń shyǵarmashylyq ujymy daıyndaǵan konserttik baǵdarlamany tamashalaýmen aıaqtaldy.
