Saıajaıdan – saıaly páterge

Kóktemgi alapat tabıǵat apatynyń zardabyn joıý máselesi Memleket basshysynyń tike­leı nazarynda. Úkimet basshy­synyń tapsyrmasyna sáıkes qarjylyq uıymdar men demeý­shiler óńirdegi zardap shekken turǵyndarǵa qolushyn sozyp, kómek berip jatyr.

«Memleket basshysy sý tas­qy­nynan zardap shekken turǵyndarǵa tıisti kómek kór­setýdi tapsyrǵan bolatyn. Jal­ǵyz baspanasy jaramsyz bolǵan saıajaı ıelerine búgin taǵy da birneshe páter berip jatyrmyz. Jalpy, osy ýaqytqa deıin 750 saıajaı turǵyny baspanaǵa ıe boldy. Sondaı-aq Oralda 374 úıdiń qurylysy júrip jatyr», dep atap ótti oblys ákimi Narıman Tóreǵalıev.

Narıman Tóreǵalıuly Oral qala­synyń ortalyǵyndaǵy «Omega» turǵyn úı kesheninen páter alyp, baspanaly bolyp jatqan turǵyndardy quttyqtap, jańa qonys ıelerine jaqsylyq tiledi.

«Kóktemgi tasqyn kezinde úıimizdi sý basty. 3 aı kúttik. Búgin jańa páterdiń kiltin qoly­myzǵa alyp otyrmyz. Qa­la­­nyń orta­lyǵynda jańa úıde turamyz dep kútken joq edik. Osyndaı jaǵdaı jasaǵan Memleket basshysyna alǵysym sheksiz», deıdi «Nurly jol» saıajaı ýchaskesiniń turǵyny bolǵan Qaıyrǵalı Aıtqalı. Oral­dyq saıajaı tur­ǵyndaryn baspanamen qamtý áli jalǵasyp jatyr.

Batys Qazaqstan oblysy