Foto: Vedomstvo. Telegram
Sý resýrstary jáne ırrıgasııa mınıstrliginiń málimetinshe, vedomstvo basshysy Nurjan Nurjigitov Japonııanyń Qazaqstandaǵy Elshisi Djýn Iаmadamen jáne Japonııa Halyqaralyq yntymaqtastyq agenttiginiń (JICA) ókilderimen kezdesý barysynda atalǵan yntymaqtastyq máselelerin talqylady.
Agenttik mamandary bıylǵy sý tasqyny kezinde óte úlken kólemde sý qabyldaǵan gıdrotehnıkalyq qurylystardy tekseredi. Búginde Qostanaı, Aqmola, Aqtóbe, Abaı oblystary nysandaryna aldyn ala vızýaldy tekseris ótti.
«Japondyq áriptesterimizge kómekteri úshin alǵys aıtqym keledi. Tasqyn kezinde bizdiń gıdrotehnıkalyq nysandar túrli apattardyń aldyn alyp, úlken kólemde sýǵa tótep berdi. Bolashaqta bul nysandardyń turaqty jumysyn qamtamasyz etý úshin olardyń jaı-japsaryn muqııat zerdelep, yqtımal osaldyqtardy anyqtap, olardy joıý jóninde aldyn ala is-sharalar qabyldaý qajet», dedi mınıstr Nurjan Nurjigitov.
Sondaı-aq taraptar sý jiberý deńgeıi men kólemin anyqtaý úshin eseptegish qondyrǵylardy ornatý týraly oılaryn ortaǵa saldy.
