Merdigerler jobalaý-smetalyq qujattamany ázirleý boıynsha jumys júrgizip jatyr. Keıinnen jalpy uzyndyǵy 475 km bolatyn 2 elektr jetkizý jelisin (qýattylyǵy – 500 kV) salýdy, sondaı-aq 500 kV «Shý», «Jambyl» jáne «Shymkent» úsh qosalqy stansasyn rekonstrýksııalaýdy jáne keńeıtýdi kózdeıtin qurylys-montajdaý jumystaryn oryndaıdy.
Bul joba elektr energııasyn, onyń ishinde jańartylatyn energııa kózderinen iri aýqymda generasııalaýdy jelige ıntegrasııalaýǵa, eldiń ońtústiginde elektr energııasyn jetkizýdi kúsheıtýge jáne turaqtandyrýǵa, sondaı-aq elimizdiń energetıkalyq qaýipsizdigin arttyrýǵa múmkindik beredi.
«ADB-nyń «KEGOC» AQ-men seriktestigi bizdiń elge nóldik shyǵaryndylar, energııa aýysýy jáne jańartylatyn energııa kózderin paıdalanýdy keńeıtý boıynsha maqsattarǵa qoljetkizýge kómektesedi. Bul joba jańa generasııalaıtyn qýattardy engizýmen sınhrondalǵan, elektr energııasyn jetkizý kezindegi ysyrapty azaıtýǵa múmkindik beredi jáne óńirdiń ekonomıkalyq damýyna oń áser etedi», deıdi ADB-nyń jeke sektordaǵy operasııalar jónindegi bas dırektory Sıýzanna Gabýrı.
«ADB «KEGOC» AQ-ǵa kómek kórsetedi jáne jańartylatyn energııa kózderin ıntegrasııalaý jáne Ulttyq elektr torabyn damytý boıynsha tehnıkalyq konsýltasııalar beredi».
«Ulttyq elektr torabynyń jańa arhıtektýrasy ońtústik ólkeniń jańartylatyn jáne dástúrli energııa kózderiniń orasan zor áleýetin energııa teńgerimine tartýǵa múmkindik beredi. Eksporttyq jáne tranzıttik áleýet edáýir artady jáne búkil óńirdiń energetıkalyq qaýipsizdigi kúsheıtiletin bolady. Osyndaı mańyzdy jobalarda birlesip jumys isteý múmkindigi úshin Azııa Damý Bankine alǵys aıtamyz», dep atap ótti «KEGOC» AQ basshysy Nábı Aıtjanov.
