Bul jetistiktiń negizgi faktory Kókaral bógetin qaıta jańartý bolǵan. Sonymen birge Syrdarııa ózeni arqyly Qyzylorda oblysyna sekýndyna 650 tekshe metr sý kelýiniń de áseri bar. Bul máselege qatysty О́zbekstan jáne Qyrǵyz Respýblıkasymen birlesken jumystar atqarylǵan. Atap aıtqanda, qazir sý berý kesteleri bekitilip, jergilikti sharýa qojalyqtarymen kezdesýler uıymdastyrylǵan. Egis alqaptaryn sýarý úshin qajetti sýdyń jetkilikti mólsheri belgilengen.
Sonymen qatar vedomstvo ókilderi jergilikti turǵyndarmen kezdesý barysynda jobanyń Dúnıejúzilik bankpen birlesip iske asyrylyp jatqanyn atap ótti. Qazir jobanyń ekinshi kezeńi ázirlenip jatyr. Bul balyq sharýashylyǵyn, ekotýrızmdi damytýǵa, ekologııany jáne sý resýrstaryn basqarýdy jaqsartýǵa baǵyttalǵan.
