Ashylý saltanaty aldynda Parıj Olımpıadasynda sadaq atýdan jekeleı synnyń irikteýi aıaqtaldy. Bizdiń komandadan jaqsy nátıjeni Dáýletkeldi Jańbyrbaı kórsetti. Ol 668 upaımen 22-satydan kórindi. Al Ilfat Abdýllın 663 upaı jınap, 29-orynǵa turaqtady. Aleksandr Eremenko – 59-orynda. Onyń enshisinde 640 upaı bar.
Týrızm jáne sport mınıstrligi Sportty damytý dıreksııasynyń baspasóz qyzmetiniń habarlaýynsha, endi osy reıtıngtik kezeń nátıjesine qaraı keıingi jarys joly qurylady. Iаǵnı 64 er mergen búgin alǵan ornyna qaraı bir-birimen synasady. Mysaly, 1-oryn alǵan atlet pleı-off satysynda 64-satydaǵy sportshyǵa qarsylas boldy. Al pleı-off 30 shilde men 1 tamyz aralyǵyna josparlanǵan. Al komandalyq saıys 29 shildeden bastaý alady.
Sadaq atýdan erler arasynda Olımpıada rekordyn Rıo-de-Janeıroda Výdjın Kım (Ońtústik Koreıa) tirkegen (700 upaı). Al álem rekordy amerıkalyq Bredı Ellısonǵa tıesili (702 upaı, Lıma qalasy, 2019 jylǵy 7 tamyz).
Aıta keteıik, Parıjdegi jazǵy Olımpıadada Qazaqstan quramasynyń 80 atleti 25 sport túrinen synǵa túsedi. XXXIII oıyndar 11 tamyzda máresine jetedi.
