dalanews.kz
Máselen, Jangeldın aýdanynda shildeniń 31-ine deıin 41 turǵyn úı salynyp bitý kerek. Qazir Kólqamys aýylynda salynyp jatqan 19 úı taıaý kúnderi turǵyndarǵa tabys etiledi dep josparlanyp otyr. Al Táýishtegi turǵyn úı qurylysy tolyqtaı aıaqtalyp, 22 otbasy jańa úılerge qonystandy.
Arqalyq qalasynda sý tasqynynan zardap shekken turǵyndar úshin 50 páterlik turǵyn úı salynyp jatyr. Bul úıge jaýapty merdiger kompanııanyń ókili Anton Borısovtyń aıtýynsha, qurylys jumystary josparǵa saı júrip jatyr, qurylys qyrkúıekke deıin tolyq aıaqtalady.
Sý tasqynynan zardap shekken Qostanaı qalasynyń turǵyndary jańa úılerine áldeqashan kirip alǵan. Taıaýda Qostanaı aýdanyna qarasty Altynsarın aýylynda 21 otbasy jańa úıleriniń kiltin aldy. Qonaı shaǵyn aýdany men Altynsarın aýylynyń turǵyndary memleket salyp bergen jańa úılerde turyp jatyr.
Qazir óńirde 46 jeke turǵyn úıdiń, sondaı-aq 1 kóppáterli úıdiń qurylysy júrip jatyr. Búginge deıin tasqyn sýdan zardap shekkender úshin 315 páter satyp alynyp, 815 úı jóndeýden ótti.
«Memleket basshysynyń tapsyrmasyna sáıkes sý tasqynynan zardap shekkenderge jan-jaqty qoldaý kórsetilip jatyr. Bıliktiń, bıznestiń jáne jergilikti turǵyndardyń úılesimdi jumysynyń nátıjesinde sý tasqynynyń saldary qysqa merzimde joıylady», dedi oblys ákimi Qumar Aqsaqalov.
Qostanaı oblysy
