Kórneki sýret: «Passajırskıe perevozkı»
Atalǵan komıtet qyzmetkerleri jolaýshylardy tasymaldaý qaǵıdalary normalaryn saqtaý boıynsha Astana-Almaty, Qyzylorda-Petropavl, Astana-Shymkent, Qyzylorda-Pavlodar, Qyzylorda-Kókshetaý, Almaty-Jezqazǵan, Almaty-Saratov jáne t.b. áleýmettik mańyzdaǵy 20-dan astam jolaýshylar poıyzyn tekserdi.
Tekseris barysynda 284 kelisim mindettemeleri buzylǵany anyqtalǵan. Onyń ishinde jolaýshylar vagondarynyń ishki jáne syrtqy kelbetiniń normaǵa sáıkes kelmeýi, vagondarda kondısıonerlerdiń bolmaýy jáne erekshe qajettiligi bar jandardyń jaǵdaıy eskerilmeýi, sanıtarlyq-tehnıkalyq jaǵdaıdyń saqtalmaýy jáne basqa da faktiler tirkeldi.
Aıyppuldardyń jalpy somasy 10 mln teńgeden asty. Aıyppuldar Ulttyq tasymaldaýshyǵa da, jeke tasymaldaýshylarǵa da salynady.
Aıta ketsek, elimizde 110 turaqty áleýmettik mańyzy bar baǵyt boıynsha poıyzdar qatynaıdy. Jazdyń sońyna deıin komıtet qyzmetkerleri qalǵan jolaýshylar poıyzdaryn kestege sáıkes tekseredi.
