Aqmola oblysy 100 paıyzǵa jaqyndap keledi

KО́KShETAÝ. 26 sáýir. Aqmola oblysynyń elektoraty Qazaqstan prezıdentiniń saılaýy júrip jatqan alǵashqy derek – saǵat 10.00-degi málimet boıynsha kósh bastaǵan edi. Sol ekpin jalǵasyn taýyp otyr. Bul týraly egemen.kz tilshisi habarlady. Keshki saǵat 18.00-den óte bere oblystyq saılaý komıssııasyna bas suqqanymyzda, kóńil kótererlik maǵlumat aldyq. Oblystyq saılaý komıssııasynyń hatshysy Gennadıı Glýhov qolǵa ustatqan qujatta jergilikti 24 saılaý ýchaskesinde daýys berý oıdaǵydaı aıaqtalǵan jazylypty. О́ńir boıynsha jalpy kórsetkish 94,81 paıyzǵa jetken eken. Tizimdegi 462208 saılaýshynyń 438209-y óziniń azamattyq paryzyn ótegen. Oblys ortalyǵynan basqa aýdandardyń barlyǵy 95 paıyzdyq kórsetkishten asyp otyr. Al, 98,43 jáne 98,18 paıyzdyq úlesti ıelengen Astrahan, Zerendi aýdandary alda keledi. Jerlesterimiz sońǵy málimettiń de salmaqty bolatynynan úmitti. Baqbergen Amalbek. Derek: egemen.kz Sýret: Tólegen Qosshyǵulov.