Qadaǵalaý organy qala bıýdjetine shamamen 50 mıllıon teńgege nuqsan keltirýi múmkin faktini anyqtady. Egjeı tegjeıi «Prokýratýra týraly» Konstıtýsııalyq zańnyń 26-babynyń 6-tarmaǵyna sáıkes jarııalaýǵa jatpaıtyn bolǵandyqtan, Atyraý oblysy prokýrorynyń birinshi orynbasary B.Sádibekov aıtpady.
Alaıda, «AJ» saýalyna jaýapta ol «Atyraýda avtoparkterdiń biri sýbsıdııalaý kezinde QQS koeffısıentin qosý arqyly 47,3 mıllıon teńge kóleminde negizsiz bıýdjet qarajatyn alǵanyn» jazǵan.
«Tasymaldaýshyǵa aýdarymdy bekitken tulǵa - qalalyq jolaýshylar kóligi jáne avtomobıl joldary bóliminiń basshysy laýazymyndaǵy jergilikti atqarýshy organnyń qyzmetkeri. Sheneýnikke tártiptik jaza, ıaǵnı eskertý nemese sógis berilgen. Degenmen odan da qatań nusqada jumystan shyǵarý jazasy qaralady. Biraq sońǵy ýaqytta bólimde kadrlyq aýys-túıis bolmaǵandyqtan, is jaýapqa tartýdyń alǵashqy eki ádisiniń birimen aıaqtalsa kerek. Prokýror «Prokýratýra týraly» zańnyń sol tarmaǵyna sáıkes, qyzmetkerdiń aty-jónin atamady», - delingen aqparattyq saıttyń maqalasynda.
