Qyzylordada saılaýshylardyń 97,5 paıyzy daýys berdi

QYZYLORDA. 26 sáýir. Qyzylorda oblysynda 388 019 adam saılaýǵa qatysty. Munyń ózi óńirdegi saılaýshylardyń 97,5 paıyzy daýys bergenin kórsetedi. Bul týraly egemen.kz tilshisi habarlady. Túski saǵat 14:00-de saılaýǵa halyqtyń 73,13 paıyzy qatysty degen aqparat aldyq. Arada eki saǵat ótkende, 346 698 adamnyń daýys bergendigi jóninde derek keldi. Iаǵnı, tústen keıin qyzylordalyq saılaýshylardyń 87,5 paıyzy daýys berip úlgergen. Osydan-aq halyqtyń el ómirindegi eleýli oqıǵaǵa enjar qaramaı, saılaýǵa óte belsendi qatysqanyn baıqaýǵa bolady. Búgingi saılaýdyń merekelik kóńil-kúıde ótkenin aıtqan abzal. Mysaly, Qyzylorda qalasynyń turǵyndary nóserlep jaýǵan jańbyrǵa qaramaı, saılaý ýchaskelerine baryp, óz tańdaýlaryn jasady. Munyń ózi elimizde saıası mádenıettiń kún sanap artyp kele jatqanyn dáleldeıdi. «Dál qazir oblys boıynsha oranalasqan barlyq 345 saılaý ýchaskesinde daýys berý aıaqtaldy. Tizimge ilingen saılaýshylardyń 97,5 paıyzy saıası naýqanǵa tolyqtaı qatysty. Bul qyzylordalyqtardyń saıası belsendiliginiń artqanyn, el bolashaǵyna beıjaı qaramaıtynyn ańǵartady. Saılaý barysynda eshqandaı zań buzýshylyq tirkelgen joq. Baıqaýshylar tarapynan da syn-eskertpeler aıtylmady. Saıası naýqan óte joǵary deńgeıde ótti»,– dedi oblystyq saılaý komıssııasynyń tóraǵasy Qorǵanbek Qaırollaev. Erjan Baıtiles. Derek, sýret: egemen.kz.