Foto: uralskweek.kz
Jıynda sóz alǵan Oqý-aǵartý mınıstri Ǵanı Beısembaev kúrdeli jóndeýden keıin ashylatyn bilim uıasy men 1 qyrkúıekke deıin paıdalanýǵa beriletin jaıly mektepterdiń daıyndyq deńgeıin baıandady.
Búgingi tańda respýblıka boıynsha 7 859 mektep jumys isteıdi, onyń 6 387-siniń materıaldyq-bazalyq jaǵdaıy jaqsy dep baǵalanǵan. Jambyl, Pavlodar, Aqmola jáne Túrkistan oblystarynda 1290 mektep kúrdeli jóndeýdi qajet etetini anyqtaldy.
Sonymen qatar 280 mektepte jaıly oqý jaǵdaıyn jasaý úshin jóndeý jumystary júrgizilip jatyr. 222 mektepte kúrdeli jóndeý jumystary oqý jylynyń basyna deıin aıaqtalady.
Kesteden artta qalý qaýpi Qaraǵandy, Almaty, Soltústik Qazaqstan jáne Shyǵys Qazaqstan oblystarynda, sondaı-aq Almaty qalasynda qosymsha 15 obekt boıynsha anyqtalyp otyr.
Sý tasqyny saldarynan zardap shekken bilim berý nysandary boıynsha qalpyna keltirý jumystary da jalǵasyp jatyr.
«Aýqymdy sý tasqyny saldarynan barlyǵy 40 bilim berý nysany zardap shekti. Búgingi tańda 5 nysan boıynsha qalpyna keltirý jumystary aıaqtaldy. 16 nysan boıynsha jumys júrgizilip jatyr», dedi Ǵanı Beısembaev.
Al 1 qyrkúıekke deıin 20 jaıly mektep ashylady.
«Bıylǵy 20 tamyzǵa deıin «Jaıly mektep» ulttyq jobasyn iske asyrý aıasynda alǵash ret 20 mektep iske qosylady. 2024 jyly 536 myń jańa oqýshy ornyna arnalǵan 302 mektepti paıdalanýǵa berý josparlanyp otyr. Bul sharalar 92 úsh aýysymdy jáne oqýshy orny tapshylyǵy bar 249 mektepterdiń problemalaryn sheshýge múmkindik beredi. Ákimdikter mektepterdi iske qosý merzimderiniń keshigýine jol bermeý úshin qajetti sharalardy qabyldaýy qajet», dedi mınıstr.
