1928 jyly Olımpııa oıyndary Amsterdamda ótti. Eskek esý jarysy kezinde aýstralııalyq sportshy Bobbı Pırstiń aldynan úırekter shyǵyp qalady. Ary qaraı ótip ketýdiń ornyna meıirimdi sportshy úırekterge jol beredi. Ol qustardy baqylap otyrǵanda, qarsylasy ony basyp ozady. Biraq úırekter aman-esen óz jolymen júzip bara jatqanda, sportshy bar kúshin salyp, jeńiske jetti. Solaı «Meıirimdi chempıon» degen aty tarıhta
qaldy.
Jalańaıaq jelaıaq
1960 jylǵy Rım Olımpıadasy kezinde bir qyzyq jaǵdaı bolǵan.
Efıopııalyq marafonshy Abebe Bıkıla jarys alańynda tur. Birer mınýttan keıin júgirýi kerek. Biraq sportshylarǵa aıaqkıim beremiz degen demeýshiler onyń ólshemindegi krossovka tappaı, sharasyz kúıge túsken. Jeńiske erekshe qushtar Abebege bul da kedergi bolǵan joq. Ol jalań aıaq júgirdi. Aıaqkıimniń joqtyǵyna qaramastan, márege birinshi bolyp kelip, altyn medal aldy. Olımpıada tarıhynda mundaı jaǵdaı áli tirkelmegen.
Synyq aıaq gımnast
Sport jankeshtilikti talap etedi. Japondyq Sýn Fýdjımoto da dál solaı oılaıdy.
1976 jyly Monrealda ótken Olımpıadada gımnastıkadan komandalyq jarys kezinde japondyq Sýn Fýdjımoto tizesin syndyryp alady. Sonda da berilmeıdi. Birde-bir sóz aıtpastan, jarysty ári qaraı jalǵastyrady. Fınalǵa ótip, tamasha óner kórsetedi. Sarapshylardyń baǵalaýy boıynsha, sol jarysta Japonııa keńestik gımnastardy jeńip, birinshi oryn ıelengen edi.
