Astana mektep salýdan ozyp tur

Elordada turǵyndardyń, onyń ishinde mektepke deıingi jáne mektep jasyndaǵy balalardyń sany jyl saıyn artyp keledi. Osyǵan baıla­nysty Astana qalasynyń ákimi Jeńis Qasymbek áleýmettik jelidegi paraqshasynda aldaǵy oqý jylynda ashy­latyn mektepter týraly jazdy. Ol bas qalamyzda buryn-sońdy bol­ma­ǵan kólemde mektepter salynyp jat­qanyn jetkizdi. Máselen, «Jaıly mektep» ulttyq jobasy aıasynda Samruk-Kazyna Construction salatyn (2024-2025 jyldary) 90 myń oqýshyǵa arnalǵan eki aýysymdy 24 jaıly mektep bar.

 – Qalany aralaý barysynda Premer-mınıstrdiń birinshi orynbasary Roman Sklıarmen birge oqý jylynyń basynda ashylatyn jaıly mektepterge bardyq. Bul segiz mektep myna mekenjaılarda ornalasqan: Saryarqa aýdanynda Ulytaý men Naýryz kósheleriniń qıylysynda, Beıbarys Sultan kóshesinde, Nura aýda­nynda Tóle bı kóshesi men 24-kóshe­niń qıylysynda, Esil aýdanynda Qaban­baı batyr dańǵyly men Syǵanaq kóshe­siniń qıylysynda, Nura aýda­nynda Tóle bı kóshesi, 31 meken­jaıynda, Máńgilik el dańǵyly men E-497 kóshesiniń qıylysynda, Oryn­bor kóshesi men №37 kósheniń qıy­lysynda, Almaty aýdanynda A.Baı­tur­synuly kóshesinde, – deıdi J. Qasymbek.

Sondaı-aq oqý jylynyń basynda joǵaryda atalǵan oqý oryndarynan basqa taǵy úsh memlekettik jáne bir jekemenshik mektep ashý josparlanyp otyr. Sol sııaqty jyl sońyna deıin 7 jaıly mektep, 5 memlekettik jáne 3 jekemenshik mektep ashý josparda bar. Osylaısha, jańa oqý jyly barysynda 23 mekteptiń qurylysy aıaqtalady.