Bas bapkerdiń tańdaýy myna fýtzalshylarǵa tústi: Qaqpashylar – Igıta, Narýn Serikov, Qanat Jetkirbaev, Erasyl Sharapıdenov. Qaptaldaǵy oıynshylar – Dýglas, Albert Akbalıkov, Birjan Orazov, Dáýren Tursaǵulov, Leo, Azat Valıýllın, Shyńǵys Esenamanov, Abdýrasýl Abdýmanapuly, Arnold Knaýb, Qaırat Imanalın, Tórehan Dosov, Jahangir Ráshıt, Nurqanat Baqtııarov, Rınat Tóreǵazın, Aqjol Dáribaı, Semen Tarasenko jáne Damır Qaıyrbaı.
Fýtzalshylarymyz oqý-jattyǵý jıynynyń alǵashqy kezeńin 5–18 tamyz aralyǵynda Almatyda ótkizedi. Ekinshi jıyn 5 qyrkúıekte Astanada bastalady. Sodan keıin jerlesterimiz Alataý baýraıynda qaıta bas qosady da, odan ári О́zbekstanǵa attanady. Sol aralyqta birneshe joldastyq kezdesý ótkizý josparlanyp otyr. Al álem chempıonaty 14 qyrkúıek pen 6 qazan aralyǵynda Tashkent pen Samarqan qalalarynda ótedi. Toptyq týrnırde Qazaqstan quramasy Ispanııa, Lıvııa jáne Jańa Zelandııamen kúsh synasady.
