Analogti habar taratýdyń artyqshylyǵy
Jańa býyn sıfrlyq televızııasy sıgnaldyń joǵary jyldamdyǵyn qamtamasyz etip, kórermenge kóptegen jańa múmkindik ashady. Endi paıdalanýshylar kóp arnany jaqsy sapada kóredi. Onyń ishinde jaqsartylǵan sýret pen dybys sapasy, mýltımedııalyq qosymshalar, radıo, elektrondyq habarlar baǵdarlamasy, sýbtıtr tilin tańdaý bar. Munyń analogti televızııadan aıyrmashylyǵy kóp. Mysaly, sıfrlyq sıgnal kedergige tózimdi ári eń shalǵaı eldi mekenderde de kórermenge shýyl men burmalaýsyz beriledi. Bul – osy óńirlerdiń turǵyndary irkilister jáne sýret pen dybys sapasynyń tómendigin umytady degen sóz.
SETV-ǵa kóshý – elimizde televızııany damytýdyń jańa baǵytyn ashady. Sıfrlandyrý shaǵyn eldi mekenderde kóp telearna qabyldaýǵa múmkindik beredi. Sondaı-aq analogti formattaǵy 2-3 arnanyń ornyna 15 arnaǵa deıin qabyldaıdy. Oblys ortalyqtarynda kórermenderge 30 arna qoljetimdi bolady. Bul rette olardy jiberý úshin qajetti elektr energııasyn tutyný aıtarlyqtaı azaıady.
Bul qadam barlyq azamattyń ómir súrý sapasy men aqparattyq qoljetimdiligin arttyrýǵa baǵyttalǵan. Osy jospar iske assa, eldi sıfrlandyrýdyń jalpy strategııasynyń bir bóligi oryndalmaq. Analogti televızııadan ajyratylyp, sıfrlyq efırlik televızııaǵa aýysatyn eldi mekenderdiń tolyq tizimin «Qazteleradıo» aksıonerlik qoǵamynyń saıtynan oqı alasyz.
Analogti habar taratýdyń artyqshylyǵy kóp. Televızııa aqparat berýdiń mańyzdy quraly men ár azamattyń konstıtýsııalyq quqyǵy bolǵandyqtan, sapasy mańyzdy. Damyǵan elderde televızııany sıfrlandyrý qoǵam men zamanaýı tehnologııalardyń damý dınamıkasyn kórsetetin tehnıkalyq, áleýmettik, mádenı, ekonomıkalyq jáne saıası máselege aınalǵan. Biz de sol kóshten qalmaýymyz kerek.
Tehnologııa damýyndaǵy mańyzdy kezeń
Analogti habar taratý kezinde keskin men dybysty jiberý úshin analogti elektr sıgnaly qoldanylady jáne bir jıilikke bir arna bekitiledi. Sıfrlyq habar taratýdy, kerisinshe, sıgnal berý jyldamdyǵy joǵary, jańa býyn televızııasymen tanylady. Onyń kóptegen artyqshylyǵy bar. Áýeli arnalar sany kóbeıe túsedi. Shaǵyn eldi mekenderde arnalar sany 3-ten 15-ke deıin, al oblys ortalyqtarynda 30-ǵa deıin artady. Ekinshiden, sýret pen dybystyń sapasy jaqsarady. Qosymsha qyzmetteri de kóp. Túımeni bir basyp ekranǵa shyǵarylatyn elektrondyq habarlar baǵdarlamasy (EPG) bar. Sýbtıtrlar tilin tańdaýdan bólek, mýltımedııalyq qosymshalar men radıo iske qosylady.
Otandastarymyz otandyq telearnalardy sıfrlyq sapada jáne abonenttik tólemsiz kóre alady. Telearnalardy kórý eki tilde – qazaq jáne orys tilinde qarastyrylǵan. 2025 jylǵa qaraı Qazaqstan halqynyń keminde 98 paıyzyn sıfrlyq efırlik televızııamen qamtýdy qamtamasyz etý josparlanyp otyr. Bul qadam telesıgnaldyń sapasyn jaqsartyp qana qoımaı, halyqty aqparattyq jáne mádenı baıytý úshin jańa múmkindikter ashady. SETV-ǵa kóshý – translıasııa sapasyn jaqsartý ǵana emes, sonymen qatar eldiń tehnologııalyq damýyndaǵy mańyzdy kezeń.
