Halyqaralyq uıymmen yqpaldastyq artpaq

Keshe Davostaǵy Dúnıejúzilik ekonomıkalyq forýmda Qazaqstan Respýblıkasynyń Premer-Mınıstri Kárim Másimov pen Ekonomıkalyq yntymaqtastyq jáne damý uıymynyń (EYJD) Bas hatshysy Anhel Gýrrıa 2015-2016 jyldarǵa arnalǵan Eldik yntymaqtastyq baǵdarlamasyn júzege asyrý týraly Qazaqstan Úkimeti men EYJD arasyndaǵy ózara túsinistik týraly memorandýmǵa qol qoıdy, dep habarlady Premer-Mınıstrdiń baspasóz qyzmeti. Baǵdarlamada reformalar júrgizý, sondaı-aq, Qazaqstannyń áleý­mettik-ekonomıkalyq damýy­nyń sheshýshi salalarynda iri jobalardy júzege asyrý qarasty­ryl­ǵan. Eldik baǵdarlama Qazaq­stannyń EYJD-nyń birqatar qararlary men usynys-keńesterine qosylýyna, onyń qurylymdyq bólimsheleriniń jumysyna atsalysýyna múmkindik beredi. Qazaqstan Respýblıkasy men EYJD arasyndaǵy ekijaqty yn­ty­maqtastyq eldiń memlekettik basqarý júıesi, bilim berý, den­saýlyq saqtaý, jumyspen qamtý, fıskaldyq saıasat salalaryndaǵy básekege qabilettiligin arttyrýǵa jaǵdaı jasap, iskerlik ahýaldy jaqsartady. Qazaqstan EYJD alǵash ret Eldik yntymaqtastyq baǵdarlamasyn birlesip ázirlegen tórt eldiń biri bolyp otyr. Eldik baǵdarlamany júzege asyrý 2050 jylǵa qaraı álemniń ne­ǵurlym damyǵan 30 eliniń qataryna qosylý jónindegi uzaqmerzimdi min­detke qol jetkizý úshin Qazaq­­stannyń EYJD elderiniń ozyq táji­rıbelerin engizýge degen um­tylysyn aıǵaqtaıtyn ekijaq­ty qarym-qatynastardyń strate­gııa­lyq mańyzdy satysy bolyp ta­by­lady, dep atap ótti Kárim Má­si­mov qol qoıý qorytyndysy boı­ynsha. О́z kezeginde, Anhel Gýrrıa da qol qoıylǵan qujattyń mańyz­dy­lyǵyn atap kórsetti. Qazaqstan Eýropa men Azııanyń qıylysynda strategııalyq tur­ǵy­da ornalasqan, Ortalyq Azııada eko­nomıkasy kósh bastaýshy el bolyp tabylady. Men Eldik baǵdar­lamany júzege asyrýdyń oń áseri­niń reformalarǵa jáne óńirdegi ózge elderge paıda ákeletinine senimdimin, dedi EYJD-nyń Bas hatshysy.