Búginde 14 pen 35 aralyǵyndaǵy el jastary 5,7 mln-dy quraıdy. Jyl basynan beri 20 myńnan astam azamat kásibı baǵdar berý jumystarymen qamtyldy. 130 myńnan astam jas býyn qoldaýǵa baǵyttalǵan memlekettik baǵdarlamalar men bastamalardyń baǵyttary boıynsha konsýltasııalyq kómek aldy.
Memleket basshysy Qasym-Jomart Toqaevtyń tapsyrmasymen 2023-2029 jyldarǵa arnalǵan memlekettik jastar saıasatynyń tujyrymdamasyna tıisti ózgerister men tolyqtyrýlar engizý boıynsha jumystar júrgizilip jatyr.
Jastardyń bas aýrýyna aınalǵan baspana máselesi de birtindep sheshilip keledi. Bıyl naýryz aıynda «9-20-25 Otaý» jańa ıpotekalyq baǵdarlama iske qosyldy. Búginde baǵdarlama ıgiligimen 16 747 jas otbasy úıli bolýǵa nıettengen. Sondaı-aq 18 jastan 35 jasqa deıingi jumys isteıtin otandastarymyz úshin elimizdiń 16 óńirinde jyldyq kredıt boıynsha paıyzdyq mólsherlemesi – 5%, bastapqy jarnasy – 10% jáne merzimi 25 jylǵa deıingi jeńildetilgen turǵyn úı baǵdarlamalary iske asyryldy.
Odan qaldy «Jumys istep júrgen jastarǵa satyp alý quqyǵynsyz jalǵa beriletin turǵynjaı berý qaǵıdalaryn bekitý týraly» buıryqqa ózgeris engizildi. Qaǵıdada jumys isteıtin jastar úshin satyp alý quqyǵynsyz jalǵa beriletin turǵyn úı alý úshin jyl saıynǵy jınaqtaý shegin engizý kózdeldi.
Shyǵarmashylyq jáne belsendi jastardy qoldaýǵa qatysty «Daryn» Memlekettik syılyǵynyń qaǵıdalaryna tolyqtyrýlar engizildi. Birinshiden, syılyqaqy mólsheri 600 myń teńgeden 1 mıllıon teńgege deıin ulǵaıtyldy. Ekinshiden, «Qoǵamdyq qyzmet» jańa atalymy qosyldy.
Jastar saıasatynyń negizgi baǵyttary – jumyssyzdyq, turǵyn úı máselelerin sheshý, bıznes-bastamalardy qoldaý, sondaı-aq bilim men mádenıet deńgeıin kóterý de júıeli júzege asyrylyp keledi.
«Zhas project» jobasy aıasynda bıyl aýyl jastary arasynda 280 grant bólinip, bıznes-jobalaryn iske asyrý úshin NEET sanatyna qoldaý kórsetildi.
Buǵan qosa «Táýelsizdik urpaqtary» jobasy bıyl da jalǵasty. Jeńimpazdarǵa 3 mln teńge kóleminde 30 grant bólý kózdelgen. Bastysy volonterlik salany qoldaý maqsatynda «Volonterlik» baǵyt qosyldy.
