Foto: instagram.com/maimuratov
Ámir Maımuratov ekinshi múmkindiginde aıaǵy taıyp birshama ýaqyt ozdyryp alǵanmen, qorytyndy esepte Olımpıa oıyndaryn besinshi orynda aıaqtady.
Sportshy dúbirli dodada qoldaý bildirgen halyqqa alǵysyn bildirip, sporttyq quzǵa órmeleý qabyrǵalaryn salý úshin ınvestorlar nazaryn aýdardy.
«Meni qoldaǵan barlyq jurtshylyqqa, halqyma shyn júrekten raqmetimdi aıtamyn. Osy Olımpıadaǵa barýyma atsalysyp, qoldaý kórsetken Alpınızm jáne srorttyq quzǵa órmeleý federasııasynyń tóraǵasy Nursultan Nurlanulyna alǵysym sheksiz! О́zimniń alǵashqy bapkerim Slýskaıa Klara Mınıhanovnaǵa menen sportshyǵa tán qabiletterdi tanyp, senim artqanyna raqmetimdi aıtamyn. Qoldaýshylar men jankúıerler óte kóp boldy. Sizderge basymdy ıemin.
Meniń Olımpıada oıyndaryndaǵy óner kórsetýim búkil el boıynsha sporttyq quzǵa órmeleý qabyrǵalarynyń qurylysyna ınvestorlardyń nazaryn aýdarady jáne kóptegen balalardy sporttyq quzǵa órmeleý seksııalaryna tartady dep sengim keledi», dep jazdy Ámir Maımuratov áleýmettik jelidegi paraqshasynda.
