Foto: FlyArystan
«Tehnıkalyq sebepterge baılanysty reısterdi keshiktirý jaǵdaılarynyń kóbeıýine baılanysty «Air Astana» AQ jáne «FlyArystan» AQ avıakompanııalaryna, sondaı-aq jolaýshylardyń quqyqtaryn saqtaýǵa qatysty kóptegen shaǵymdar kelip tústi», dep habarlady Azamattyq avıasııa komıteti.
Qazirgi kezde arnaıy komıssııa qurylǵan. Sarapshylar reısterdiń oryndalmaýy, keshigýi jáne tıisti qyzmetterdi kórsetpeý sebepterin, sondaı-aq áýe keńistigin paıdalaný jáne avıasııa qyzmeti týraly zańnama talaptaryn buzýǵa baılanysty basqa da jaǵdaılardy anyqtaıtynyn túsindiredi.
«Sonymen qatar «Qazaqstannyń avıasııalyq ákimshiligi» AQ bas dırektorynyń buıryǵymen «Air Astana» AQ jáne «FlyArystan» AQ avıakompanııalaryna jospardan tys tekserý taǵaıyndaldy», delingen aqparatta.
