Foto: egemen.kz
Aıtýly kúnde «Egemen Qazaqstan» gazetiniń búgingi sanynda Qazaqstannyń qurmetti jýrnalısi Serikbaı Turjannyń «Aq bantık áńgimesi» maqalasy jaryq kórdi.
Maqalada Shámshi Qaldaıaqovtyń «Aq bantık» áni kimge arnalǵany baıandalǵan. Kompozıtor «Aq bantıkti» syılas joldasy Qarajan Ábilázimov toıyna tartý retinde shyǵarǵan.
Al Qarajan Ábilázimov sol kezde obkomsomolda birinshi hatshy bolyp istep júrgende jasy úlkendeý bolsa da, Túrkistan qalasyndaǵy 19-mektepti bitirgen Fatıma degen jas qyzǵa úılenipti. Dostarynyń balań arýmen bas qosyp jatqanyn estigen qos daryn Sh.Qaldaıaqov pen M.Shahanov Fatıma Tórehanovanyń aq bantıgin aq oramalǵa aıyrbastaǵan erek shaǵyn ánge syıdyrǵan.
Avtor Qarajan men Fatımanyń tanystyq-ǵashyqtyq oqıǵasynyń bastalýyn bylaı órbitedi:
«Fatımany mektepte oqyp júrgen kezimizden tanıtynmyn. Men Kentaýdaǵy Y.Altynsarın mektebinde, al Fatıma bolsa Túrkistannyń temirjol boıyndaǵy mektepte oqydy. Bir-birimizdi 8-synyptan bastap bile bastadyq. Atalǵan eki mektep oqýshylary bir-birimizge qonaqqa kelip, ótkiziletin túrli pán baıqaýlaryna qatysyp, baq synasatynbyz. Mine, osyndaı kezderi ǵoı túrkistandyq Fatımamen etene tanysyp júrgenim. Fatıma óte jan-jaqty, bilgir, talapty, sonymen birge ónerge de erekshe qushtar bolatyn. Ásirese ádebıet páninen aldyna jan salmaıtyn. Ádemi án aıtyp, bı bıleıtin. О́nerimen qalanyń atyn shyǵaryp, oblystyq, respýblıkalyq óner saıystaryna da qatysyp, birinshi oryndardan kórinip júretin. Osyndaı kezderinde ǵoı Fatımanyń Qarajannyń kózine túsip júrgeni. Tek kózge túsip emes, keıinnen ekeýi úılenip, shańyraq kóterdi.
Fatıma Shámshiniń ánderin naqyshyna keltire oryndaıtyn. Kompozıtordyń árbir ánin tebirene oryndaǵan kezde tyńdaýshylar qaýymy ózderiniń qalaı terbelip ketkenin de bilmeı qalatyn. Fatıma kórermenderdiń qurmetine osylaı bólendi. Sodan keıin ǵoı, Qarajanmen ózara syılastyǵy mol Shámshi Fatımaǵa arnap «Aq bantık» ánin shyǵaryp júrgeni», dep jazady avtor.
Sondaı-aq Shymkent qalasyndaǵy Shámshi Qaldaıaqov turǵan páterde búgingi kúni kim turatynyn Serikbaı Turjannyń «Aq bantık áńgimesi» maqalasynan tolyq oqı alasyz.
