Saýaldama qorytyndysy salmaqty

Qazaqstan turǵyndary óz tańdaý­laryn jasap, eldiń bolashaǵy úshin óz daýystaryn bergen-di. Árıne, saılaýdyń aldyn ala qorytyndysy kim-kimdi de qyzyqtyrmaı qoımaıdy. Osyǵan oraı «Zakon.kz» aqparattyq portaly arnaıy tapsyrys berip, áleýmettik zertteýler júrgizilgeni málim boldy. Sonyń nátıjesimen Áleý­mettik-saıası zertteýler ınstı­tý­tynyń dırektory Aıgúl Sádýaqasova buqaralyq aqparat quraldary ókil­derimen bólisti. Negizinen, mundaı ekzıt-pýldardyń maqsaty – elektoratqa suraý salý qorytyndysy boıynsha jedel boljamdar berý. Bul rette ınstıtýt dırektory saılaý kúni Qazaqstan halqy úshin erekshe kún bolǵandyǵyn erekshe atap ketti. «Sonymen qatar, bizdiń Áleýmettik-saıası zertteýler ınstıtýty kún barysynda saılaý naýqany kezinde saılaýshylar óz daýystaryn qaı kandıdatqa berdi, qalaı saılady jáne ózderiniń kózqarastaryn bildirdi degen saýalnama qoıyp, sońynda bir nátıjege keldik», dedi A.Sádýaqasova. Onyń aıtýynsha, exit-poll ádiste­mesine negizdelgen áleýmettik zertteý­ler saılaý ýchaskesinen daýys berip shyq­qan saılaýshylarǵa qatysty júrgi­zil­gen. Instıtýt dırektorynyń málim­deýinshe, saýaldama barysynda eshbir saılaýshynyń quqy buzylmaǵan. Jalpy, saýaldamaǵa saılaýdan shyqqan árbir besinshi Qazaqstan azamaty jaýap beripti. Saýaldamaǵa jaýap berýshi tolyq ruqsat bergen kezde ǵana ıntererler suraqtar qoıyp otyrypty. «Qazaqstannyń barlyq aımaqtary boıynsha bizdiń saýaldamaǵa 40 myń respondent qatysty. Jalpy respýblıka boıynsha 164 saılaý ýchaskesi qamtyldy. Oblys ortalyqtary, Astana men Almaty qalalary boıynsha barlyǵy 84 ýchaske, shaǵyn qalalarda – 2 jáne aýyldyq aımaqtar men aýyldyq okrýgterde 38 ýchaske qamtyldy», – dedi A.Sádýaqasova. Saýaldama júrgizý jumysyna elimiz­diń barlyq aımaqtary boıynsha 350-den astam adam atsalysqany da atalmaı qalmady. Instıtýt dırektorynyń málimetine qaraǵanda, bir kún ishinde saýaldamanyń tórt tolqyny júrgizilgen. Sonymen, saılaýdyń aldyn ala qorytyndysy boıynsha saýal­dama­shylardyń 97,64 paıyzy óz daýystaryn kandıdat Nursultan Ábishuly Na­zar­baevqa bergeni málim boldy. Ekinshi tuǵyrdan kóringen prezıdenttikke kandıdat Turǵyn Ysqaquly Syzdyqovqa respondentterdiń 1,59 paıyzy óz daýystaryn beripti. Al úshinshi oryndy qanaǵat tutqan kandıdat Ábilǵazy Qalıaqparuly Qusaıynov saılaýshylardyń 0,77 paıyz daýysyn alypty. Asqar TURAPBAIULY, «Egemen Qazaqstan».