Qalpyna keltirý jumysynyń barysy

Jumys sapary barysynda Qanat Bozymbaev BQO ákimi Narıman Tóre­ǵa­lıevpen jáne О́nerká­sip jáne qurylys vıse-mı­nıstri Qýandyq Qajke­nov­pen birge Qaratóbe aýda­nyndaǵy Qorjyn aýly­na, Syrym aýdanyndaǵy О́leńti men Jympıty aýyldaryna, sondaı-aq Derqul, Zashaǵan aýyldaryna jáne Oral qalasynyń Juldyz shaǵyn aýdanyna bardy.

Qorjyn aýlynda 3 ból­­meli 90 turǵyn úıdiń qu­­rylysy júrip jatyr. Mun­d­a elektr jáne jylytý jumystary tolyǵymen aıaq­taldy. 79 úıde ishki árleý jumystary aıaqtaldy. Ny­sanda 6 merdiger kompanııa jumys isteıdi. Olarmen kezdesýde Qanat Bozymbaev árleýshiler brıgadalary­nyń sanyn kóbeıtýdi jáne qurylysty sapaly aıaqtaýdy tapsyrdy.

Syrym aýdanynyń О́leńti men Jympıty aýyldarynda tasqynnan zardap shekkender úshin 68 tıptik bir páterli jáne 10 eki páterli 3 bólmeli úılerdiń qurylysy júrgizilip jatyr. Búginde 45 úı tapsyryldy.

Oral mańynda da aýqym­dy qurylys júrip ja­tyr. Munda sý tasqyny ke­zinde jalǵyz baspanasy­nan aıyrylǵan saıajaı turǵyndary úshin úıler salynýda. Juldyz shaǵyn aýda­nynda 17 qury­lys kompanııasy 191 tıptik úı qurylysyn qolǵa alǵan. Derqul aýlynda 103 úıde árleý jumystary jasalyp jatyr. Sondaı-aq Zasha­ǵan aýlyndaǵy 70 úıde ishki árleý jumystary júrgi­zi­lýde, taǵy 7 úıdiń shatyry jabylyp jatyr.

BQO ákimi Narıman Tóre­ǵalıevtiń aıtýynsha, úılerdiń basym bóli­gi 1 qyrkúıekke deıin paı­dalanýǵa beriledi. Qanat Bozymbaev qurylys qarqy­nyn jedeldetýdi tapsyrdy.

Sondaı-aq oblysta 9 994 otbasy jalpy somasy 3,7 mlrd teńge bolatyn 100 aı­lyq eseptik kórsetkish kóle­minde birrettik tólem alǵan. Taǵy 10 222 otbasyna kelgen zalal úshin 150 AEK kóleminde ótemaqy tólengen. О́temaqylardyń jalpy somasy 3,68 mlrd teńgeni quraıdy.