Foto: SQO QAJD baspasóz qyzmeti
Ol deldal arqyly SQO Qylmystyq-atqarý júıesi mekemelerine un jetkizý qyzmetterinde memlekettik satyp alý shartyn jasasýǵa járdemdeskeni úshin kásipkerden 1 mln teńge mólsherinde para alý boıynsha kináli dep tanyldy.
«Sot úkimimen Mustafınov memlekettik qyzmette jáne kvazımemlekettik sektor sýbektilerinde laýazym atqarý quqyǵynan ómir boıyna aıyryla otyryp, 30 mln teńge mólsherinde, para berýshi men deldal tıisinshe 20 mln jáne 10 mln teńge kóleminde aıyppulǵa sottaldy», delingen habarlamada.
Úkim zańdy kúshine engen joq.
Budan basqa, engizilgen usynymnyń nátıjeleri boıynsha Ishki ister mınıstriniń buıryǵymen tıisti vedomstvolyq baqylaýdyń jáne profılaktıkalyq jumystyń bolmaýy úshin Qylmystyq-atqarý júıesi komıtetiniń basshylyǵy tártiptik jaýaptylyqqa tartyldy.
Atap aıtqanda, Komıtet tóraǵasy ádilet polkovnıgi T. Jánibekovke sógis, onyń orynbasary ádilet general-maıory M. Aıýbaevqa, ózdik qaýipsizdik, kadrlyq jumys jáne tyldyq qamtamasyz etý basqarmalarynyń bastyqtaryna qatań sógis jarııalandy.
Osy buıryqpen Mustafınov teris sebeptermen ishki ister organdarynan bosatyldy.
Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.
