Jaýyngerlik daıyndyq pysyqtaldy

Taraz qalasyndaǵy 5513 áskerı bóliminiń bazasynda UQK Shekara qyz­meti, Tótenshe jaǵdaılar mınstrligi men Qarýly kúshterdiń, Ult­tyq ulannyń radıasııalyq, hı­mııa­lyq jáne bıologııalyq qor­ǵaý mamandarynyń  birlesken eki aptalyq polıgondyq jıyny ótti. Daıyndyq jıynyna ra­dıasııalyq, hımııalyq jáne bıo­logııalyq qorǵanys bólinisteriniń 219 mamany men 28 tehnıka ju­myl­dyryldy. Polıgondyq prak­­tıkanyń negizgi maqsaty – dala­lyq mashyqtaný dengeıin arttyrý, jeke daǵdylardy jetildirý jáne RHB qorǵanys mindetterin oryndaý kezinde vedomstvoaralyq eseptoptar men bólimsheler quramyn­daǵy is-qımyldar úı­lesim­dili­gin arttyrý.

Jıyn baǵdarlamasy jeke quramnyń jergilikti jerlerde jáne ártúrli obektilerde ımıtasııalanǵan ýlandyrǵysh zattardyń bolýyn anyqtaýdy, radıoaktıvti zattardy naqty juqtyrý jaǵdaıynda RHB barlaý­dy júrgizýdi úıretýdi qamtydy. Áskerı qyzmetshiler tájirıbede qarsylastyń radıoaktıvti jáne ýly zattarmen lastanǵan qarý-jaraq pen áskerı tehnıkasyn gazsyzdandyrýdy, dezınfeksııalaýdy úırendi.

«Ulttyq ulanda barlyq ba­ǵyt­taǵy mamandardy, ofıserler, serjanttar men sarbazdar quramyn kásibı daıarlaýǵa mańyzdy mán beretinin, olardyń kásibı sheberligin odan ári jetildirýdi udaıy arttyryp otyratynymyzdy atap ótken jón. Oqý ýaqytynyń 80 paıyzy praktıkalyq sabaqtarǵa bólindi. Qatysýshylar arnaıy jáne barlaý daıyndyǵynyń negizderin úırenip qana qoımaı, ýlaný kezinde alǵashqy kómek kórsetý jáne urys dalasynda jeke quramdy sanıtarlyq óńdeý men taǵy basqa daǵdylardy pysyqtady. Qurylymdyq bólinisterdiń zamanaýı RHB qorǵanys quraldary jáne arnaıy tehnıkalarymen tanysyp, olarmen jumys isteýdi zerdeledi. Sondaı-aq polıgondyq jumys áskerı qyzmetshilerdiń jaýyngerlik is-qımyldardy júrgizý kezinde radıasııalyq, hı­mııalyq jáne bıologııalyq qor­ǵaýdy uıymdastyrýdaǵy teorııa­lyq bilimderi men praktıkalyq daǵdylaryn jetildirýge óz septigin tıgizedi», deıdi polıgondyq ju­mys jetekshisi polkovnık Danııar Shakaev.

Jıynnyń alǵashqy kúni jeke quramnyń saptyq tekserýinen bas­taldy. Keıin ofıser men kelisim­shart­taǵy áskerı qyzmetshiler tórt qurama vzvodqa bólinip, aldyn ala bekitilgen kestege sáıkes oqý núktelerinde atqaratyn min­­detterdiń ereksheligine qa­raı ótetin sabaqtarǵa jumyl­dy­ryl­dy. Jetekshisi mamandardy tú­gendep alǵannan keıin jeke quram praktıkalyq daıyndyq ótkizý úshin RHB qorǵanys qala­shy­ǵyna bet aldy. Ondaǵy teh­nı­kalyq baqylaý shatyrynda gaz­tutqyshty qıystyryp kel­tirý jáne tehnıkalyq tekserýden ótkizý boıynsha sabaq ótkizildi. Sonymen qatar jańadan engizilgen baqylaý-tekserý nor­matıvterimen taktıkalyq atys jattyǵýlaryn meńgerdi. Polıgon jumystarynyń qalǵan kúnderi jeke quram RHB qorǵaný mamandaryn daıyndaý baǵdarlamasyna sáıkes polıgondyq jumys tapsyrmalaryn oryndady.

Praktıkalyq sabaqtar barysynda mamandar radıasııalyq, hımııalyq, bıologııalyq barlaý jáne arnaıy óńdeý pýnktterin óristetý qarý-jaraqty, áskerı tehnıkany jáne jeke quramdy tolyq arnaıy óńdeýdi pysyqtady. Mamandar zamanaýı sıfrlyq baılanys quraldarymen, qarý-jaraq túrlerimen, bekinistermen jáne jergilikti jerdi búrkemeleý tásilderimen de tanysty.

Osylaısha, eki apta boıy 2000 jyldan asa tarıhy bar kıeli Taraz shaharynyń ystyq aýa raıyna qaramastan, hımıkter ózderiniń teorııalyq bilimderin praktıkada kórsetip, arnaıy tehnıka arqyly mindetterin pysyqtady, al serjanttar bólimshelerdi basqarýda jaýyngerlik qamtamasyz etý tapsyrmalaryn oryndaý boıynsha tájirıbe almasty.

Qoǵamdyq qaýipsizdikti qam­ta­ma­syz etý kezinde jeke quramnyń is-áreketterine jáne qazirgi za­manǵy qarýly qaqtyǵystardyń erekshelikterin eskeretin tak­tı­ka­lyq máselelerge de erekshe nazar aýdaryldy.

Jıyn barysynda mamandarǵa Qorǵanys mınıstrligi 22534 áskerı bóliminiń ARS-14 KZ, jyljymaly RAST jáne Ford sprınter kóliginiń bazasynda ornatylǵan bıologııalyq laboratorııa sekildi RHB barlaýdyń zamanaýı úlgidegi jańa tehnıkalary usynyldy. Al demalys kúnderi jıynǵa qatysýshy RHB qorǵanys vedomstvosynyń bólinisteri arasynda «Dınamo» sport kesheniniń bazasynda voleıboldan jarys uıymdastyryldy. Nátıjesinde, Qorǵanys mınıstrliginiń mamandary bas júldeni ıelense, ekinshi orynǵa Tótenshe jaǵdaılar qu­ry­lymynyń mamandary taban tiredi. Úshinshi oryn UQK shekara qyzmetindegi RHB qorǵanys mamandarynyń qanjyǵasyna baılandy.

Polıgondyq praktıkanyń qory­­tyndysy boıynsha qatysý­shy­­lar arasynda RHB qorǵa­ny­synyń úzdik mamanyn anyqtaý úshin baqylaý-tekserý sabaqtary jáne vzvodtar men bólimsheler arasynda normatıvterdi oryndaýdan synaqtar qabyldandy. 2024 jyldyń úzdik RHB qor­ǵa­nys mamany Ulttyq ulan aka­demııasynyń RHB qorǵanys qyz­me­tiniń bastyǵy Jánibek Qabeshev (1-oryn), 6679 áskerı bólimniń RHB qorǵanys bastyǵy leıtenant Baýyrjan Serikbolov (2-oryn) jáne 5512 áskerı bólimniń RHB qorǵanys bastyǵy maıor Jandos Hodjanazarov (3-oryn) bolyp tanyldy. Al RHB qorǵanys mamandarynyń arasynda ótkizilgen vedomstvoaralyq estafetada Ulttyq ulan komandasy birinshi oryndy, Qorǵanys mınıstrliginiń Qarýly kúshteri ekinshi oryndy, TJM komandasy úshinshi oryndy ıelendi. Sondaı-aq polıgondyq jumysty ótkizýde kórsetken yntasy men belsendi atsalysqany úshin birqatar áskerı qyzmetshige jáne ózara birlesip qyzmet atqaratyn qurylym óki­li­ne IIM orynbasary – Ulttyq ulan bas qolbasshysynyń atynan gramota jáne alǵyshattar tapsyryldy.