Foto: Ashyq derekkóz
Buǵan deıin birinshi satydaǵy sottyń úkimimen sottalýshy abaısyzda adam ólimine ákep soqtyrǵany úshin kináli dep tanylyp (QK 104-babynyń 1-bóligi), 2 jyl 6 aıǵa bas bostandyǵynan aıyrylǵan. Biraq sot prosesine qatysýshylar bul sheshimge apellıasııalyq shaǵym túsirgen.
Is materıaldaryn zerdeleý barysynda sot alqasy 2023 jyldyń qazan aıynda kafeden shyǵý barysynda taksıge qatysty týyndaǵan janjal kezinde, sottalýshy T. jábirlenýshi K.-ny kúshtep ıterip jibergenin anyqtaǵan. Nátıjesinde K. aryqqa qulap, basynyń artqy jaǵymen beton aryǵynyń shetine soǵylyp, alǵan jaraqatynan qaıtys bolǵan.
Is materıaldary qaıta qaralyp, kórsetilgen mán-jaılardy, sondaı-aq saraptamanyń qorytyndysyn eskere otyryp, sot alqasy buryn shyǵarylǵan úkimniń kúshin joıǵan.
«Alqa qaýlysymen T. abaısyzda adam ólimine ákep soqtyrǵan densaýlyqqa qasaqana aýyr zııan keltirgeni úshin kináli dep tanyldy (QK 106 - babynyń 3-tarmaǵy) jáne oǵan 8 jyl merzimge bas bostandyǵynan aıyrý jazasy taǵaıyndaldy», dep habarlady qalalyq sot.
Úkim zańdy kúshine endi.
