- 31 tamyzda Ońtústik Koreıanyń Mýngıon qalasynda dzıýdodan jastar arasyndaǵy Azııa birinshiliginiń shymyldyǵy túriledi. Bul jarysta elimizdiń týy astynda myna balýandar óner kórsetedi: Erler – Danııar Qulyshev, Madııar Serikov (60 kg), Aıan Baıkenjeev (66 kg), Ernar Keńeshan (73 kg), Gleb Azarov, Danıl Krylov (81 kg), Igor Rakov (90 kg), Dinasyl Táttimbek (100 kg) jáne Jantilek Nurtilepuly (+100 kg). Qyzdar – Sabına Iýldashbekova, Tasnım Ábdýalı (48 kg), Aıaýlym Qaırat, Nuraılym Sársenbek (52 kg), Dına Muhanbet (57 kg), Uldana Tańjaryqova (63 kg), Ádil Saǵıra (73 kg), Anastasııa Nagachevskaıa (78 kg) jáne Rýslana Mahatova (+78 kg).
- Velosporttan «Rýmynııa týry» aıaqtaldy. Bul kópkúndikte «Astana Qazaqstan Development Team» klýby sapynda óner kórsetken Ilhan Dostıev dara shyqsa, onyń komandalyq áriptesi Davıde Toneattı ekinshi oryn ıelendi.
- Almatyda ústel tennısinen Qazaqstan kýbogi aıaqtaldy. Erler básekesinde jergilikti oıynshylardyń (Dastan jáne Aıdos Kenjeǵulovtar, Sanjar Jubanov, Abdýlla Mamaı, Shı Danıan) tegeýrinine eshkim shydamady. Fınalda olar Shymkent qalasynyń ókilderin (Irısbek Artyqmetov, Bekulan Jamal, Baqdáýlet Ákimáli) 3:0 esebimen oısyrata utty. Qola medaldy Shyǵys Qazaqstan oblysy ıelendi. Qyzdar saıysynda Qaraǵandy oblysy (Záýresh Aqasheva, Araı Áshkeeva, Janerke Kóshkimbaeva, Álbına Jaqsylyqova, Vıktorııa Mochalkına) top jardy. Aqtyq synda olar almatylyqtardan (Sarvınoz Mirqadyrova, Ánel Baqyt, Aııa Álimbaeva, Gúzel Torshaeva, Aısha Meńdiǵalıeva) aılasyn asyrdy. Úzdik úshtikti Astana qalasynyń tennısshileri túıindedi.
- Polshanyń Krakov qalasynda tennısten jasóspirimder arasynda uıymdastyrylǵan ITF J100 týrnırinde Damır Jalǵasbaı jeńimpaz atandy. 16 jastaǵy qazaqtyń uly sheshýshi tusta majarstandyq Kolosh Kıncheshti 6:3, 6:4 esebimen qapy qaldyrdy. Sondaı-aq qart qurlyqtyń taǵy birqatar elinde jalaýy jelbiregen jarystarda Aıym Qanaǵatova, Alısa Koroleva, Asqar Ámir syndy jas órenderimiz tabysty óner kórsetti.
- Túrkııanyń Ystanbul qalasynda mýaı-taıdan Túrki elderiniń chempıonaty ótti. Bul jarysta Qazaqstan quramasy jaqsy nátıje kórsetip, 11 júlde oljalady. Atap aıtsaq, Shámil Ermaǵambetov (54 kg) pen Evgenıı Zımın (+91 kg) altyn tuǵyrǵa kóterilse, Arystan Qýanyshev (67 kg) pen Aleksandr Sarıkov (81 kg) kúmispen kúpteldi. Al Dıdar Japparqulov (48 kg), Ábdi-Rahman Ábishev (51 kg), Zákir Belıalov (57 kg), Ernat Smaǵulov (60 kg), Rýslan Zaıakın (71 kg), Dıana Pıvsova (48 kg) jáne Anastasııa Konıýshko (51 kg) qolaǵa qol sozdy.
- Kanadalyq Leıla Fernandespen juptasyp óner kórsetken Qazaqstannyń ekinshi raketkasy Iýlııa Pýtınseva Sınsınnatıdegi WTA-1000 týrnıriniń jartylaı fınalynda Dıana Shnaıder (Reseı)/Lında Noskovany (Chehııa) 6:3, 6:4 esebimen utty. Fınalda olar Aısha Muhammad (AQSh)/Erın Rýtlıff (Jańa Zelandııa) jubymen ese jiberdi – 6:3, 1:6, 4:10. Dál osy jarystyń jekelegen saıysynda Pýtınseva úshinshi kezeńde ıspanııalyq Paýla Badosadan utylsa, Elena Rybakına ekinshi aınalymda kanadalyq Leıba Fernandeske ese jiberdi.
- Italııanyń veloshabandozy Alberto Bettıol «Astana» klýbynyń jeıdesin kıdi. 30 jastaǵy Toskana óńiriniń týmasy kezinde jastar arasynda Eýropa chempıony atanǵan. 2016 jyly ol Djıro d’Italııaǵa jáne 2017 jyly «Týr de Fransqa» qatysty. Ár jyldary «Flandrııa týry» (2019) men «Mılan-Týrın» (2024) týrnırlerinde top jardy. Osy kúnge deıin Bettıol AQSh-tyń «EF Education-EasyPost» klýbynyń namysyn qorǵap keldi.
- Fýtboldan Qazaqstan kýboginiń fınaly 29 qyrkúıekte saǵat 17.00-de Almatydaǵy Ortalyq stadıonda ótedi. 32-ret uıymdastyrylatyn jarystyń fınalynda «Atyraý» men «Aqtóbe» sheberlik baıqasady. Osy mejege jetken komandalar aqshalaı syılyqqa ıe bolady. Al bas júldeni oljalaǵan ujym kelesi maýsymda Qazaqstan Sýperkýbogi úshin talasyp, Eýrokýboktiń irikteý kezeńinde kúsh synasady.
- Qazaqstan taekvondo federasııasynyń prezıdenti Vıacheslav Kım bastap, vıse-prezıdentter Qanat Saǵynaev, Shadııar Qondybaev, Arman Shylmanov jáne bas hatshy Oljas Besbaev ta qyzmetinen ketedi. Oǵan sebep – Olımpııa oıyndaryndaǵy sátsizdik. Bul jarysqa Qazaqstannyń eki daıan sheberleri ǵana qatysyp, ekeýi de elge qur qol qaıtty.
- 20–30 qyrkúıek aralyǵynda Almatydaǵy Aleksandr Asanov atyndaǵy klýbta stend atýdan Azııa kýboginiń jalaýy jelbireıdi. Atalǵan dodaǵa 40 memleketten quralaıdy kózge atqan 500-ge jýyq mergen keledi.
