Foto: Joǵarǵy sot
Forýmǵa qatysýshylarǵa jyly lebizin bildire kele, ol el tarıhyndaǵy jańa dáýirdi belgilegen 2022 jylǵy konstıtýsııalyq reformanyń mańyzdylyǵyn, memlekettik saıasattyń negizi retinde Ádiletti Qazaqstandy qalyptastyrý ıdeıasyn jáne konstıtýsııalyq damý evolıýsııasyn memlekettiń eń joǵary qundylyǵy – adam men azamatqa jáne onyń quqyqtaryn qorǵaýǵa baǵyttalǵan vektor ekenin atap ótti.
A.Merǵalıev Konstıtýsııalyq Sottyń óz sheshimderinde ulttyq konstıtýsııalyq biregeılikti quraıtyn quqyq, ádilettilik jáne gýmanızm ıdeıalaryn beıneleıtin adam quqyqtary men negizgi bostandyqtaryn qorǵaý jónindegi joǵary mıssııany oryndaıtyndyǵyna toqtaldy.
Joǵarǵy Sot Tóraǵasy Memleket basshysynyń bizdiń elimizdiń progressıvti ilgerileýiniń irgetasy bolýǵa tıis, ómirdiń barlyq salalarynda zań ústemdigi qaǵıdatyn saqtaý týraly sózin eske saldy.
Osy oraıda sot júıesiniń tıimdiligin arttyrý maqsatynda ony odan ári jańǵyrtý sharalary qolǵa alynǵany aıtyldy.
Konstıtýsııalyq Sottyń joldaýlary men normatıvtik qaýlylaryn iske asyrýǵa baǵyttalǵan mańyzdy jańashyldyqtar blogy týraly sóz boldy. Olar kassasııalyq qadaǵalaý salasyndaǵy zańnamany jetildirý, tártiptik jaýapkershilik pen sýdıalardyń kásibı qyzmetin baǵalaý, sotqa júgingen kezde memlekettik baj tóleý jáne t.b.
«Júrgizilip jatqan reformalar azamattardyń quqyqtaryn qorǵaýdyń sapasy men deńgeıin arttyrýǵa, sot tóreligine qoljetimdilikti keńeıtýge, sýdıalardyń táýelsizdigin qamtamasyz etýge jáne jaýapkershiligin kúsheıtýge baǵyttalǵan», dedi A.Merǵalıev.
Forýmnyń dıalog alańy 30-dan astam eldiń, sonyń ishinde Eýropa, Azııa jáne Afrıka elderinen konstıtýsııalyq sottardyń sýdıalaryn, Adam quqyqtary jónindegi ýákil men adam quqyqtary jónindegi ınstıtýttardyń ókilderin biriktirdi.
Is-sharaǵa Qazaqstan Respýblıkasy Prezıdenti Ákimshiliginiń, memlekettik organdardyń basshylyǵy, Parlament depýtattary, Bas Prokýror, Adam quqyqtary jónindegi ýákil, kásibı zań jáne ǵylymı qaýymdastyqtardyń, halyqaralyq uıymdardyń ókilderi qatysty.
