Buıyrǵany – jeti júlde

Atalǵan jarysta eli­mizdiń grek-rım kú­resi sheberleri qos kúmis medaldy jeńip al­ǵany jaıynda biz buǵan deıin de jazdyq. Ol júldelerdi Al­pa­mys Bolatuly (55 kg) men Er­ke­bulan Ánapııa (80 kg) oljalady.

Jasóspirimder koman­da­synyń aǵa jattyqtyrýshysy Almat Kebisbaev bul birinshilikti bylaı dep qorytyndylady: «Jarys jolyna shyqqan 10 ba­lýannnyń teń jartysy jartylaı fınalǵa deıin jetse, ekeýi kúmis medaldy moınynda jarqyratty. Sol sebepti de Ammandaǵy ónerimiz jaqsy degen baǵaǵa laıyq dep oılaımyn. Árıne, budan da táýir nátıje kórsetýge bolar edi. Biraq buıyr­ǵany – sol. Meniń balǵyn ba­lýandarmen jumys istep júrgenime úsh jyldyń júzi boldy. Komandaǵa dárigerler men massajıst sekildi mamandyq ıeleri jetispeıdi. Jalpy, jas órender eresekterden kem eń­bektenbeıdi. Olar da kún saıy­n eki ret jattyǵyp, kóp ter tógedi. Odan keıin aǵzany qaıta qalpyna keltirý jumystary tıisti deńgeıinde júrgizilmeıdi. Basty problema – osy. Soǵan qaramastan shákirtterim álemdik dodada jeńis tuǵyryna kóterilý úshin baryn salyp, kópshilik kóńilinen shyǵatyndaı óner kórsetti».

Qyzdar kúresinen ótken jarysta úsh qola medaldy en­shiledik. Sheshýshi synda Anna Stratan (57 kg) grekııalyq Menı Manıdi, Uldana Tileýhan (65 kg) beıtarap sportshy retinde qatysqan reseılik Anastasııa Komanovany jáne Medına Qýanyshbek (46 kg) ýkraınalyq Evgenııa Drýzenkony qapy qaldyrdy.

Keıingi kúnderi Dáýlet Nııaz­bekov jetekshilik etetin erkin kúres sheberleri saıysqa tústi. Parsy shyǵanaǵyna sapar shekken órenderimizdiń arasynan Edige Qasymbek eń jaqsy nátıje kórsetti. 110 kg salmaqta kúsh synasqan balýan bastapqy básekelerde úndistandyq Sıngh Djasporan men japonııalyq Iýkı Iаmo­motany jeńse, jartylaı fınalda ırandyq Abdolfazl Mu­hammad Nejadttan aılasyn asyrdy. Fınalda Edige ame­rıkalyq Maıkl Djozef Mok­­komen aıqasty. Bul tartysta AQSh-tan kelgen apaı­tós­tiń asyǵy alshysynan tústi. Osylaısha, bizdiń jigit qa­tarynan ekinshi álem birinshi­liginde kúmis medaldy ıelendi.

65 kg salmaq dárejesindegi Baqdáýlet Ákimjan jartylaı fınalda qyrǵyzstandyq Rýstamjan Qaharovke jarytyp qarsylyq kórsete almady. Esesine ile-shala grýzııalyq Ratı Revazashvılıdiń tas-talqanyn shyǵarǵan ol qola medaldy en­shiledi. О́kinishke qaraı, ózge órenderimiz bul jarysta senim údesinen shyǵa almady.