Basty mindet – halyqtyń ál-aýqatyn arttyrý

Sondaı-aq senator «Mega-Agat» kólik-logıs­tı­kalyq ortalyǵynyń qurylys barysymen tanys­ty. Parlament depýtaty kásiporyn iske qosylǵan kezde júzdegen jumys orny ashylatynyn jáne eldiń eksporttyq áleýetin jaqsartýǵa oń yqpalyn tıgizetinin atap ótti.

Murat Qadyrbek qarttar men zeınetkerlerge áleýmettik qyzmet kórsetetin ortalyqqa da arnaıy bardy. Sonymen qatar Túlkibas aýdandyq máslı­ha­ty­nyń depýtattarymen kezdesti. Is-sharaǵa qatysý­shy­lar aýyl sharýashylyǵy, jer qatynastary jáne aýdan ortalyǵyn abattandyrýdy qarjylandyrý máse­lelerine toqtaldy. Senator barlyq másele al­daǵy ýaqytta tıisti memlekettik organdarmen birge qara­latynyn aıtyp, ótken sessııada Parlament qabyl­daǵan zańdardyń negizgi basymdyqtaryn atap ótti.

«Qazirgi tańda qoǵamdy alańdatqan áıelder men balalardyń quqyqtaryn qorǵaý, lýdomanııa men býllıngke qarsy kúres sııaqty ózekti máselelerdiń aldyn alý úshin arnaıy zańdar qabyldandy. Osy jáne basqa da normalar elimizdi damytýǵa, sondaı-aq azamattardyń ómir súrý sapasyn jaqsartýǵa yqpal etedi dep senemiz», dedi Murat Qadyrbek.

Senator Tóle bı aýdandyq máslıhatynyń aktıvimen jáne depýtattarymen kezdesýde qoǵamdyq baqylaý, turmystyq zorlyq-zombylyqqa qarsy kúres, mass-medıa jáne memlekettik satyp alý týraly zańdarǵa keńinen toqtalyp ótti. Jıynda Palatanyń qaraýyna kelip túsken zańdar sheshim qabyldaý aldynda máslıhat depýtattarymen, sarapshylarmen birge jan-jaqty talqylanyp, zerdelenetini de sóz boldy.