foto: kaztag.info
«Aýyl ákimderin tikeleı saılaý júıesi 2021 jyly engizildi. Sodan beri 2,5 myńǵa jýyq ákim saılandy. Bul – barsha aýyl ákimderiniń 90 paıyzǵa jýyǵy degen sóz. Qalǵandary ákimniń ókilettik merzimi aıaqtalǵan kezde óz retimen saılana beredi. Jańa ákimderdiń 60 paıyzy buryn memlekettik qyzmette jumys istemegen. Olardyń arasynda ártúrli kásip ıeleri, túrli partııa ókilderi bar. Ortasha jasy – 46 jas. Bir sózben aıtsaq, halyq ózi tańdaǵan ákimderdiń quramy edáýir jańǵyrdy», dedi Prezıdent.
Byltyr kúzde alǵash ret aýdan jáne oblystyq mańyzy bar qala ákimderi saılana bastady.
«Barlyq oblysta 45 ákim jańa tásilmen saılandy. Biz saılaý nátıjesin jáne saılanǵan ákimderdiń jumysyn jan-jaqty zerdeledik. Sonyń qorytyndysy boıynsha túbegeıli sheshim qabyldadyq. Kelesi jyldan bastap jańa júıege birjola kóshemiz. Budan bylaı aýdan jáne oblystyq mańyzy bar qalalardyń ákimderi tikeleı saılaý arqyly ǵana qyzmetke keledi. Ákimderdiń ókilettik merzimi aıaqtalýyna qaraı ıaǵnı, rotasııa merzimi jetkende saılaý birtindep ótkizile beredi. Bul da – saıası júıeni reformalaý isindegi kezekti mańyzdy qadam», dedi Q:Toqaev.
Sonymen qatar Memleket basshysy saıası reforma – bir rettik naýqan emes ekendigin atap ótti. Memlekettiń damýyna qajet bolsa, reformalar osylaı úzdiksiz jalǵasa berýi tıis.
